भांगरभूंय | प्रतिनिधी
म्हापशें ः थिये आनी अस्नोडें पंचायतींच्या प्रभाग 1 आनी 7 खातीर जाल्ले पोटवेंचणुकेचो निकाल जाहीर जालो. अस्नोडें पंचायतीच्या प्रभाग ७त मिता मिलेश नायक आनी थिये पंचायतीच्या प्रभाग १ त नीरज नारायण नागवेकार हांणी जैत मेळयलें.
मिता मिलेश नायक 157 मतांनी, जाल्यार नीरज नारायण नागवेकार 334 मतांनी जैतिवंत जालो. हे वेंचणुकेची मतमेजणी बार्देश मामलेदार कार्यालयांत जाली. निर्वाचन अधिकारी (संयुक्त मामलेदार) देवानंद प्रभु हांणी निकाल जाहीर केलो. ह्या वेळार सहाय्यक निर्वाचन अधिकारी शैलेश कोठावळे आनी संयुक्त मामलेदार मेघना नायक हाजीर आशिल्ले.
थिये पंचायत प्रभाग 1त घनश्याम पुंडलीक आरोसकार हांकां 152 मतां, रामचंदन रामचंद्र साळगावकार हांकां 89 मतां आनी रविंद्र शिवा आरोसकार हांकां 224 मतां मेळ्ळीं. जाल्यार आस्नोडें प्रभाग 7 च्या पोटवेंचणुके खातीर शंकर पांडुरंग नायक हांकां 79 मतां मेळ्ळीं आनी विजय बाबय बाणावलीकार हांकां 59 मतां मेळ्ळीं.
थिये पंचायतीच्या प्रभाग 1चे तेन्नाचे वांगडी अर्जुन शिवा आरोसकार हांकां 12 जानेवारीक काळजाचो आताक येवन मरण आयल्लें. जाल्यार अस्नोडें प्रभाग 7चे तेन्नाचे वांगडी मिलेश मोहन नायक हांकां 2 फेब्रुवारीक आप अपघातांत मरण आयल्लें. हाका लागून ही पोटवेंचणूक ह्या दोनूय रिकाम्या पंच वांगडी पदां खातीर जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
