भांगरभूंय | प्रतिनिधी
म्हापशें ः पोंबुर्फेंचे मसंडभूंयेंतलो वड पत्र्यांचे शेडीर पडलो. हातूंत सुमार ५० हजारांचें लुकसाण जालें. पोंडबुर्फेंचे झरी लागसारचे मसंडभूंयेंतल्या वडाची व्हड खांदी पावस, वार्याक लागून येवन शेडीचेर पडली. ही शेड निमाणे संस्कार जातना लोकांक आसरो घेवचे खातीर बांदिल्ली. हे घडणुकेन शेडीचें बरेंच व्हड लुकसाण जालें.
होमार ८ सप्टेंबराक सकाळीं हे घडणुकेची म्हायती थळाव्यांनी म्हापशें उजो पालोवपी दळाक दितांच दळाचे उपअधिकारी ज्ञानेश्वर सावंत हांच्या नेतृत्वाखाला जवानांनी घडणुके सुवातेर धांव घेतली. पिड्ड्यार जाल्लो अशीर रस्तो आनी चढती आशिल्ल्यान वाहनाक मसंडभूंये मेरे पावपाक आडमेळीं निर्माण जालीं.
पडिल्लें झाड व्हड आशिल्ल्यान तशेंच हेर दोन तीन झाडांय धोको निर्माण करपी स्थितींत आशिल्ल्यान आमदार ऍड. कार्लुस फेरेरा हांणी आपत्कालीन वेवस्थापन विभागा वरवीं हें काम करपाची वेवस्था केली. ते प्रमाण दनपरां उसरां झाडां कापपाचें हातांत घेतलें.
पोंबुर्फा- ओळावली पंचायतीन भांगराळ्या महोत्सवी वर्स निधींतल्यान २०११ वर्सा हें मसंडभूंयेचें बांदकाम केल्लें. पंचायतीच्या मालकीचें आशिल्ले मसंडभूंयेची परिस्थिती सध्या बिकट आसा. थळाव्या आमदारांनी आमकां मसंडभूंयेचें नुतनीकरण करपाचें आस्वासन दिलां, अशी म्हायती थळावे अजित परब आनी मदन शिरोडकार हांणी दि
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
