भांगरभूंय | प्रतिनिधी
भांगरभूंय । प्रतिनिधी
मडकयः सांस्कृतीक वावर संचालनालय आनी श्री महालक्ष्मी युवक संघा वतीन भुरग्यां वयल्या लिंगीक अत्याचारा विशीं जाग्रुताय करपा खातीर तशेंच पॉक्सो कायद्याची म्हायती दिवपा खातीर “अभया ” एक पात्री नाटक तळावली हांगच्या श्री महालक्ष्मी कला मंदिरांत महालक्ष्मी इंग्लिश स्कुलाचे विद्यार्थी आनी पालकां खातीर सादर केलें. ह्या वेळार माचयेर मुखेल सोयरी कालिका बापट, स्वराज्य रक्षक संभाजी हे टीव्ही मालिकेंत सिद्धी जोहर ही भूमिका करपी विश्वजीत फडते, युवक संघाचो अध्यक्ष विठ्ठलदास नागवेकार, उपाध्यक्ष सुदेश भिंगी, अनिल सावंत, शांबा देसाय आशिल्ले.
ह्या एक पात्री नाटकाची संकल्पना, लेखन आनी दिग्दर्शन मीना नायक हिणे केल्लें. ह्या नाटकांल्यान गुड पंच, बॅड टच, भुरग्यांनी तांचेर लिंगीक अत्याचार जाल्यार ताची आपले आवय कडेन रोखडीच कागाळ करपाक जाय अशें संदेश दिल्ले. महालक्ष्मी हायस्कुलाच्या विद्यार्थ्यांक हे नाटक खूब आवडलें. निमाणे मृणाल सामंत हाणे सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
