भांगरभूंय | प्रतिनिधी
पैंगीण : जयंतीनगर, उत्तर कर्नाटक हांगच्या मेलारी निंगप्पा बेवावडर (२८) ह्या तरणाट्याक काणकोणच्या मनोहर पर्रीकर बायपास मार्गार जाल्ल्या स्वयं अपघातांत मरण आयलें.
हे विशीं मेळिल्ले चड म्हायती प्रमाण, मेलारी हाचें दुचाकीवेल्यान नियंत्रण सुटिल्ल्यान, दुचाकी रस्त्याच्या डिव्हायडराक वचून आदळ्ळी. हो धपको बरोच नेटान बशिल्ल्यान, ह्या अपघातांत दुचाकी चालकाक जाग्यारूच मरण आयलें. दुचाकी सुमार १० मीटर झरत गेली.
काणकोण पुलीस निरीक्षक हरीश राऊत देसाय हांणी हे विशीं १९४ बीएनएसएस खाला गुन्यांव दाखल केला. उपअधीक्षक नीलेश राणे हांच्या मार्गदर्शनाखाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
