भांगरभूंय | प्रतिनिधी
काणकोण : श्री लक्ष्मी नारायण देवस्थानाच्या शिगम्या निमतान गोवर्धन पैंगीण आयोजीत तशेंच कला आनी संस्कृती संचालनालय पुरस्कृत इतिहासीक नाट्य महोत्सव 21 ते 23 मार्च मेरेन लक्ष्मी नारायण देवस्थानाचे माचयेर जातलो.
शुक्रारा 21 मार्चाक सांजेच्या 7 वरांचेर नाट्य महोत्सवाचें उक्तावण जातलें. ह्या वेळार मुखेल सोयरे म्हूण काणकोणचे आमदार तशेंच सभापती रमेश तवडकार, मानाचे सोयरे म्हूण कला आनी संस्कृती मंत्री गोविंद गावडे, कला आनी संस्कृती संचालनालयाचे संचालक सगूण वेळीप, खाशेले निमंत्रीत म्हूण पैंगीण जिल्हो पंचायत वांगडी शोभना वेळीप, सरपंच सविता तवडकार, उपसरपंच सुनील पैंगीणकार, पंच सतीश पैंगीणकार, परशुराम पंचैग्राम देवस्थान समितीचे अध्यक्ष उदय प्रभू गांवकार हाजीर रावतले, अशें गोवर्धन पैंगीणचे अध्यक्ष हरीश प्रभू गांवकार आनी भांडारी प्रविण भंडारी हांणी कळयलां. 21 मार्चाक श्री पाईकदेव ज्येश्ठ हौशी नाट्यमंडळ कुमारवाडो शिरवय केपें प्रस्तूत ‘व्यंकोजी वाघ’ नाटक सादर जातलें. कमलाकार बोरकार हांणी हें नाटक बरयलां. शेनवारा 22 मार्चाक पैंगीण हौशी कलाकारा वतीन शांता कुमार शिरसेकर हांणी बरयल्लें ‘जावळीचा राजेश्वर’ हें नाटक सादर जातलें. आयतारा 23 मार्चाक श्री मल्लिकार्जून हौशी नाट्यमंडळ अवे खोतिगांव प्रस्तूत आनी बाबुराव मराठे हांणी बरयल्लें ‘शिव कंकण’ नाट्यप्रयोग सादर जातलो. सगळीं नाटकां सांजेच्या 7 वरांचेर सुरू जातलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
