भांगरभूंय | प्रतिनिधी
भांगरभूंय । प्रतिनिधी
काणकोणः गोमंतक मराठा समाज काणकोण फांटो, वेलवाडा वॉर्ड तरणाटे आनी नेचर हार्मनी हांच्या जोड पालवान दक्षीण गोंय जिल्हो हॉस्पिटल आनी सार्थक फावंडेशना हाच्या पालवान आयोजीत केल्ल्या रगतदान शिबिरांत 54 जाणांनी रगतदान केलें. पैंगीण पंचायत वाठारा तशेंच फोंडें, सांगें, मडगांव हांगच्यान आयिल्ल्या तरणाटे आनी तरनाट्यो हांणी रगतदान करपाचें काम केलें.
अनुप अजीत पैंगीणकार, प्रवीण भट, सिद्धेश पैंगीणकार, दीपक गोसावी, गुलशन देविदास, सतीश सुदीर, अरूण गोसावी, प्रशांत गडो, सूरज पाटील, कल्पना (प्रणिता) भट, अनिषा पैंगीणकार हांणी हें शिबीय येसस्वी केलें. शिबिराच्या उक्तावण कार्यावळीक सार्थक फावंडेशनाचे सुदेश नार्वेकार, श्रद्धानंद विद्यालयाची मुख्याध्यापिका सीमा प्रभुगांवकार, पैंगीणचो उपसरपंच सुनील पैंगीणकार, गोमंतक मराठा समाजाच्या काणकोण फाट्याचो अध्यक्ष रमाकांत बांदेकार, थळावो पंच सतीश पैंगीणकार, प्रवीर भंडारी, महेश नायक, पैंगीणच्या युनिनय बँक फाट्याचे वेवस्थापक हरिष कुमार हे हाजीर आशिल्ले.
दिवली पेटोवन शिबिराचें उक्तावण केल्या उपरांत सीमा प्रभुगांवकार, सुनील पैंगीणकार आनी सुदेश नार्वेकार हांणी रगतदान सारकें श्रेश्ठ दान करपाचे राष्ट्रीय म्हत्वाचें काम करपाक फुडें आयिल्ल्या तरणाट्यांक परबीं भेटयलीं. शिबिरांत जिल्हो हॉस्पिटलाचे डॉ रेगे आनी नर्शीनी मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
