भांगरभूंय | प्रतिनिधी
गोंय फलोत्पादन म्हामंडळाची म्हायती
भांगरभूंय । प्रतिनिधी
पणजी : फाटल्या पांच वर्सांत गोंय फलोत्पादन म्हामंडळाच्या भाजी विक्री केंद्रांत पेड्डेर भाजयेची पुरवण करपी 21 पुरवण करप्यांचेर कारवाय करून तांचो परवानो रद्द केला. 21 मदले फक्त दोन पुरवण करपी गोंयकार आसात. 2022 त सगल्यांत चड कारवायो जाल्यात, अशी म्हायती शेतकी खात्यान दिल्या.
भाजयेचो दर्जा तपासपाची जापसालदारकी भाजी वता त्या मार्गा वयल्या मुखेल पर्यवेक्षक आनी मार्केटींग निरक्षकांक दिल्या. पुरवण जावपी भाजयेच्या दर्जा विशींचो अहवाल हे मार्केटींग पर्यवेक्षक दितात.
ते भायर म्हामंडळान व्हॉट्सअॅप ग्रूप केल्यात आनी ह्या ग्रुपांत रूट पर्यवेक्षक, पुरवण करपी, मार्केट निरिक्षक, सरवेवस्थापक, वेवस्थापकी संचालक आनी अध्यक्ष आसात. दर मार्गार फोटो सयत भाजयेच्या दर्जा विशींचे तपशील रूट पर्यवेक्षक ह्या व्हॉट्सअॅप ग्रुपाचेर घालतात आनी अशे तरेन भाजयेच्या दर्जाचेर देखरेख दवरतात. जर कितें चुकीचें नदरेक आयल्यार पुरवण करप्यांचेर कारवाय करतात.
ते भायर म्हामंडळान 9022902422 व्हॉट्सअॅपाचेर कागाळ नंबर जारी केला . ताचेर सामान्य लोक तशेंच भाजी केंद्राचे विक्रेते कागाळ नोंद करपाक शकतात. 21 मदल्यो सगल्यांत चड कारवायो 2022 त 17 पुरवण करप्यांचेर जाल्यात. जाल्यार 2021 त 3 आनी 2023 त एक पुरवण करप्याचेर कारवाय जाल्या. 2024 आनी 2025 त एकूय कारवाय जावंक ना. जाल्यार 21 मदले दोन पुरवण करपी हे गोंयकार आसात जाल्यार उरिल्ले सगळे पुरवण करपी बेळगांवचे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
