भांगरभूंय | प्रतिनिधी
पणजी : पेडण्यां सारें मेळनाशिल्ल्यान शेतकारांक बर्याच आडखळींक तोंड दिवचें पडटा. ताचो चड फटको मिरसांग लागवड करपी शेतकारांक बसता. सारें हाडपा खातीर महाराष्ट्रांतल्या आरोंदा, बांदा, शिरोड्यां वचचें पडटा अशी म्हायती मोरजेच्या कांय शेतकारांनी दिली.
मांद्रें मतदारसंघांत सारें ना. पेडणें म्हालांतूय सारें ना. मोरजे सारें सांठोवन दवरपा खातीर गुदांवाची वेवस्था ना. हाका लागून पावसांतय शेती करतना आडमेळ्यांक तोंड दिवचें पडटा. सारें हाडपाक महाराष्ट्रांतल्या आरोंदा, बांदा, शिरोडा अश्या सुवातांचेर वच्चें पडटा.
मोरजे सारें सांठोवपाची सुविधा तयार करची. तशेंच कृषी खात्याचें एक ल्हानशें कार्यालय सुरू करून सारें, बियां उपलब्ध करून दिवचीं. तशेंच कृषी खात्याच्या विवीध येवजण्यांची म्हायती दिवपी केंद्र सुरू करचें, अशी मागणी मोरजेचे शेतकरी शिवनाथ शेटगांवकार, रविकांत शेटगांवकार, अजित शेटगांवकार हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
