भांगरभूंय | प्रतिनिधी
पेडणें: पेडणें म्हाला खातीर मांद्रेंचे आमदार जीत आरोलकार हांणी केल्ले यत्न आनी सरकारा कडल्यान मेळपी सहकार्याक लागूनच मांद्रें मतदार संघातल्या तुयें वाठारांत भोवउद्देशी रवींद्र भवन रवींद्र भवन उबारपाची प्रक्रिया सुरू करतले. सगळे तरेच्यो सुविधा उपलब्ध करून, कलाकारांच्यो मागण्यो आयकून हांगा रवींद्र भवन उभारपाचे प्रक्रियेची सुरवात करतले, अशी गवाय कला आनी सांस्कृतीक मंत्री गोविंद गावडे हांणी पेडणें इंडोर स्टेडियमच्या लोकार्पण सुवाळ्या वेळार दिली.
पेडणें म्हालांतल्या कलाकारांक तांच्या हक्काची माची उपलब्ध जावचे खातीर जायत्या वर्सां सावन कलाकार मागणी करतात. पेडणें म्हालान आमदार, मंत्री, खासदार, मुख्यमंत्री दिले. मात हो प्रस्न आजूनय सुटूंक ना. अंदूं २०२५ वर्सा मांद्रें मतदार संघांतल्या तुयें पंचायत वाठारांत वट्ट ५० हजार चौरस मीटर सुवातेर रवींद्र भवन उबारपा खातीर मांद्रें आमदार जीत आरोलकार हांणी सरकार दरबाराचेर बरेच यत्न केल्यात. तांकां मंत्री गोविंद गावडे, मुख्यमंत्री डॉ. प्रमोद सावंत हांणी १००% सहकार्य केल्ल्यान रवींद्र भवनाचो बुन्यादी फातर बेगीनूच उबारतले. हे खातीर आमदार आरोलकार हांच्या फुडारपणा खाला एक अस्थायी समितीचीय निवड केल्या. हातूंत सगळ्या कलाकारांचो आसपाव करतले. कलाकारांच्यो सुचवण्यो वाचून तांचे मागणे प्रमाण हे रवींद्र भवन उबारतले अशी गवाय मंत्री गावडे हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
