भांगरभूंय | प्रतिनिधी
पेडणेंः कासारवर्णे गांवांत कर्नांटकांतल्या गाडयेंतल्यान गोरवां व्हरतना थळाव्या लोकांनी एकल्याक धरलो. उपरांत गाडी मोपा पुलिशेच्या ताब्यांत दिली. मध्यानरातीं 2.50 वरांचेर कासारवर्णे सरकारी हॉस्पिटला लागसार ही घडणूक घडली.
कांय दिसां आदीं रस्त्यार वा रस्त्या कुशीक बसपी गोरवां, रस्त्या कुशीक आशिल्ल्या गोरवांच्या शेडांतलीं गोरवां रातच्या वेळार गायब जातालीं. केन्ना केन्ना त्या वाठारांत बिबटो भोंवतालो ताका लागून ताचेर दुबाव आशिल्लो. पूण आतां गोरवां व्हरपी गाडी थळाव्या लोकांनी धरल्या उपरांत खरें कारण कळ्ळें, अशी म्हायती तांणी दिली.
थळाव्यांनी गाडयेचो फाटलाव करुन गोरवां व्हरपी गाडी धरली आनी मोपा पुलिसांच्या ताब्यांत दिली. मोपा पुलीस हे संबंदी फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
