भांगरभूंय | प्रतिनिधी
भांगरभूंय । प्रतिनिधी
पेडणेः पेडणे पालिका वाठारांतल्या बाबासाहेब आंबेडकर गार्डनांतल्या आंबेडकराच्या पुतळ्याचें 14 एप्रील पयलीं उक्तावण करपाची मागणी तुकाराम ताबोसकारान केल्या. ना जाल्यार उपासाक बसपाची शिटकावणी ताणे मुख्यमंत्री डॉ प्रमोद सावंत हांका सादर केल्ल्या निवेदनांत दिल्या.
आंबेडकर गार्डनांतलो बाबासाहेबांचो पंचथातूचो पूर्णाकृती पुतळो 2016 सावन उक्तावणाचे प्रतिक्षेंत आसा. गार्डनाची लेगीत देखभाल जायना अशें तांबोसकारान सांगलें. आंबेडकर हांचो शिमिटाचो पुतळे पुराय गोंयांत पेडण्यात आंबेडकर रंगधारा हे संस्थे वतीन 1987 वर्सा बसयल्लो. 2016 वर्सा नवो पुतळो बसयल्लो. मात अजून ताचें उक्तावण केलें ना.
पेडणे पालिका मंडळ, पेडण्याचो आमदार प्रवीण आर्लेकार हांका निवेदना दिवंन लेगीत ताणी कांयच करूंक नाशिल्ल्यान आता सरकारान निर्णय घेवचो हे खातीर आपणे मुख्यमंत्र्याक निवेदन सादर केलां अशी म्हायती तांबोसकारान दिली. बाबासाहेबाच्या 131वे जयंती दिसाक 14 एप्रिलाक पुतळ्याचें उक्तावण केलें ना जाल्यार निमणो पर्याय म्हणून आपूण मरसर उपासाक बसतलो अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
