भांगरभूंय | प्रतिनिधी
पेडणें: पेडणें पुलिसांनी पेठेचोवाडो कोरगांवां नाजेरीयन नागरिका कडल्यान घुवळे वखदां जप्त केलीं. ताका अटक केल्या.
पेडणें पुलीस निरीक्षक नितीन हनकार हांणी दिल्ले म्हायती प्रमाण, नवे घरनिर्माण वसणुकेंत आरोपी जोसेफ ओसुआग्वु केलेची (४०) मूळ नायजेरियन नागरीक सध्या रावता. ह्यान पयलीं घर क्रमांक ११/बी, तळमजला, खडपवाडो, कुंचेली, बारदेस हांगा तो रावतालो. ताचे कडल्यान पुलिसांक एक पॉलिथीन बॅग सांपडली. जातूंत १३ गोल आकाराच्यो गुलाबी रंगाच्यो गुळयो आशिल्ल्यो जाचें वजन ३.६६ ग्रॅम आशिल्लें. ह्यो गुळयो घुवळे वखदां आशिल्ल्याचो दुबाव पुलिसांक आसा. एके पॉलिथीन बॅगेंत काळ्या रंगाचो चिकचिकीत अशें सामान आशिल्लें जाचें वजन २३.८८ ग्रॅम आशिल्लें. हो चरस आशिल्ल्याचो दुबाव आसा. ह्या सगल्या घुवळे वखदांची किंमत १,०५,०००/- रुपया आसा. ताचे कडेन एक पर्स आशिल्ली जातूंत ९६०० रुपया आशिल्ले. एक काळ्या रंगाची यामाहा फॅसिनो स्कूटर जाचो नोंदणी क्रमांक जीए-०३-बी-६९०१ आसा. तीय ताब्यांत घेतली. आरोपीला २९ नोव्हेंबराक अटक केली.
आरोपी आदीं (१) गुन्यांव फांट्याच्या पी. एस. सी. आर. नं. १२७/२०१८ २०(ब)(ळळ)(अ) एनडीपीएस कायदो १९८५ (२) एएनसी पी.एस.सी.आर.क्र.०२/२०२० कलम २१(ब), एनडीपीएस कायदो १९८५ च्या २२(क) खाला (३) म्हापशें पी.एस.सी.आर.क्र.२५४/२०१६ कलम ४६५, ४६७, ४६८, ४७१, ४२० आयपीसी, ७(१) (३) परदेशी नागरिकांचे आदेश १९४८, परदेशी नागरिकांचे कायदो १९४६ च्या १४, ३(२) (अ) भारतांत प्रवेश नेम १९५० च्या ६(अ) खाला वाटेकार आशिल्ल्याचें उक्तें जालां.
पीएसआय साहिल हे फुडलो तपास करतात. एस. नायक हे पुलीस निरीक्षक नितीन हळर्णकार आनी पेडणें पुलीस उपाधीक्षक सलीम शेख हांचे देखरेखी खाला आनी उत्तर गोंय पुलीस अधीक्षक हरीश मडकयकार हांचो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
