भांगरभूंय | प्रतिनिधी
दोन उमेदवार बिनविरोध; नवनिर्वाचीत पंचांनी उक्तायलो पुराय उदरगतीचो हावेस
भांगरभूंय । प्रतिनिधी
पेडणें: पेडणें म्हालांतल्या चांदेल हसापूर, हळर्ण आनी कासारवर्णे ह्या तीन पंचायतींच्या वेंचणुकां खातीर 9 डिसेंबराक मतदान जाल्लें. वट्ट 17 प्रभागांतल्यान 40 उमेदवार रिंगणांत आशिल्ले. त्या पंचायतींच्या वेंचणुकांचो निकाल मतमेजणी आयतारा 11 डिसेंबराक संत सोयरोबानाथ आंबिये म्हाविद्यालयाच्या सभाघरांत जाली.
ह्या पंचायतींचो पुराय निकाल फुडें दिल्ले प्रमाण.
चांदेल हसापूर पंचायतः प्रभाग 1- प्रजय मळीक (बिनविरोध), प्रभाग 2- रीमा मळीक (153) जैतिवंत आड नेहा मळीक (124), प्रभाग 3- तुळशीदास गांवस (290) जैतिवंत आड अनंत भाईप (110), प्रभाग 4- बाळा शेटकार (158) जैतिवंत आड आनंद महाले (149), प्रभाग 5- रुचिरा मळीक (138) जैतिवंत आड निकिता मळीक (116)
हळर्ण पंचायतः प्रभाग 1 (एसी खातीर राखीव)- विनोद हरिजन (बिनविरोध), प्रभाग 2- दिव्या नायक (95) जैतिवंत आड स्मिता नायक (92), प्रभाग 3- रामचंद्र परब (108) जैतिवंत आड गोविंद परब (99), प्रभाग 4- महेस्वर परब (117) जैतिवंत आड सुचल रेवडकार (98), प्रभाग 5- शैलेश नायक (143) जैतिवंत आड बबन नायक (76), प्रभाग 6- आरती राऊळ (155) जैतिवंत आड दर्शना नायक (41), प्रभाग 7- सिद्धी राऊळ (88) जैतिवंत आड पत्रिसिया फर्नांडीस (75).
कासारवर्णे पंचायतः प्रभाग 1- साक्षी नायक (99) जैतिवंत आड संजना नायक (61), प्रभाग 2- वृषाली नायक (61) जैतिवंत आड महेश वेर्णेंकार (51), प्रभाग 3- नवनाथ नायक (110) जैतिवंत आड सुवर्णा केणी (54), प्रभाग 4- सोनम परब (95) जैतिवंत आड नेहा परब (55) आनी प्रभाग 5- अवनी गाड (114) जैतिवंत आड कामिनी शेटकार (70). ह्या वेळार खूबश्या नवनिर्वाचीत पंचांनी प्रतिक्रिया दितना सांगलें, थळावे आमदार प्रवीण आर्लेकार आनी सरकाराच्या माध्यमांतल्यान आपापल्या प्रभागांची उदरगत करपाचो आपूण यत्न करतले.
आमदाराच्या मार्गदर्शना खाला फुडलो निर्णयः तुळशीदास गांवस
चांदेल हसापूरचे नवनिर्वाचीत पंच तशेंच आदले सरपंच तुळशीदास गांवस हांणी प्रतिक्रिया दितना सांगलें, आपणें जे तरेन प्रभागाची आनी सरपंच आसतना पंचायत वाठाराची उदरगत केली, ताका लागून मतदारांनी आपल्याक भोवमतान वेंचून हाडला. सरपंचपदाचे सर्तींत आपूण जरी आसलो तरीय थळावे आमदार प्रवीण आर्लेकार हांच्या मार्गदर्शना खाला फुडलो निर्णय घेतलो. पंचायत वाठाराची पुराय उदरगत करपाचो हावेस तांणी उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
