भांगरभूंय | प्रतिनिधी
हरमल: गोमंतक मराठा समाज पेडणें म्हाल समितीची वर्सुकी बसका पेडणें शेतकरी सोसायटीच्या मिनी सभाघरांत जाली. हे बसकेक 2023 ते 2026 ह्या वर्सा खातीर प्रशांत धारगळकार हांची अध्यक्षपदार निवड जाली.
नवे समितीची निवड करपा खातीर ही बसका आपयल्ली. हे बसकेक अध्यक्ष म्हणून प्रशांत धारगळकार, उपाध्यक्ष आशीष मांजरेंकार, सचीव लक्ष्मण मोरजकार, सहसचीव स्वाती मालपेंकार, भांडारी नवजीत तोरस्कार, वांगडी म्हणून मिलन कामूलकार, अनुराधा कोरगांवकार, दिपा नायक, पुजा कोरगांवकार, विनोद मालपेंकार, मेधा नायक, संकेत मांजरेंकार, आनी गणपत नायक हांची निवड जाली. सल्लागारपदार सुविधा कोरगांवकार आनी प्रशांत मांजरेंकार हांची निवड जाली.
नवे अध्यक्ष प्रशांत धारगळकार हांणी आपलें मनोगत उक्तायतना, आपणें आदीं अशा जायत्या समाजीक संस्थांनी काम केलां. पूण आमच्या समाजाक खोलायेन वळखुपाची ही पयलीच संद. हें काम पुराय करपाक आमच्या सगळ्या समाजांतल्या भाव-भयणींची गरज आसा आनी तुमी म्हाका नक्कीच आदार दितले असो म्हाका विस्वास आसा. तुमच्या भावार्थाक लागून हांव ही जापसालदारकी पुराय करपाचो यत्न करतलों, अशें तांणी म्हणलें.
हे बसकेक केंद्रीय समितीचे पदाधिकारी सचीव उत्कर्षा बाणास्तारीकर, उपाध्यक्ष दिपाली बाणास्तरीकार, वांगडी राजेश मांजरेंकार, सुफल मांजरेंकार, अभय देविदास, आनंद पेडणेंकार हे हाजीर आशिल्ले. पेडणें म्हाल समितीचे अध्यक्ष प्रमोद केरकार, सचीव उल्हास पार्सेकार, महिला सचीव सुविधा कोरगांवकार हाजीर आशिल्ले.
पेडणें म्हाल समितीचे आदले सचीव उल्हास पार्सेकार हांणी फाटल्या तीन वर्सांच्या कार्यकाळांत केल्ल्या कामांचो आढावो घेतलो. आदले अध्यक्ष प्रमोद केरकार हांणी प्रास्तावीक आनी अणभव सांगलें आनी नवी समिती निवड प्रक्रियेची म्हायती दिली.
हे कार्यावळीचें सुत्रसंचालन दिपा नायक आनी उपकर मिलन कामुलकार हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
