भांगरभूंय | प्रतिनिधी
प्रवीण आर्लेकार: खारेबांधच्या कुलस्वामिनी देवूळ वाठार सोबितीकरण कामाचो शुभारंभ
पेडणें: पेडणें मतदार संघांतल्या सगळ्या देव देवतांच्या देवळांच्या वाठारांचें सोबितीकरण करपा वांगडा गणेश विसर्जन थळांचीय आधुनीक तरेन उदरगत करतलों, अशें पेडणें मतदार संघाचे आमदार प्रवीण आर्लेकार हांणी सांगलें. खारेबांध हांगच्या कुलस्वामिनी देवळाच्या वाठाराच्या सोबितीकरण कामाचो शुभारंभ केल्या उपरांत ते उलयताले.
ह्या वेळार थळावी नगरसेविका अश्विनी पालयेंकार नगरसेविका उषा नागवेंकार, नगरसेविका विशाखा गडेकार, नगरसेवक शिवराम तुकोजी नगरसेवक बाप्पा उर्फ विष्णू साळगांवकार, नगरसेविका राखी कशालकार, जयेश पालयेंकार, अरविंद पालयेंकार, नगरसेवक मनोज हरमलकार आनी हेर नागरीक हाजीर आशिल्ले.
पेडणें पालिकेच्या निधींतल्यान ह्या देवळाच्या कामाचो शुभारंभ केलो.
दरेका मंदिराचें सोबितीकरण करपाचें काम करतलों. नागरिकांनी आपल्या वाठारांतले उदरगती संबंदी सुचवण्यो करच्यो, अशें आमदार आर्लेकार हांणी फुडें सांगलें.
पेडणें मतदार संघांतले जनतेन आपल्याक आमदार केलो म्हणून आयज देशाचे प्रधानमंत्री नरेंद्र मोदी हांचे कार्यावळींत आपल्याक माचयेर बसपाची संद मेळ्ळी. ही संद आपल्याक पेडणेंकारांनी दिली. ताका लागून आपूण दरेका पेडणेंकाराचो उपकारी आशिल्ल्याचें आर्लेकार हांणी म्हणलें.
सुरवातेक युवा फुडारी कृष्णा पालयेंकार हांणी प्रास्तावीक केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
