भांगरभूंय | प्रतिनिधी
पेडणे : पेडणेंच्या केरी वाठारांतल्या थोरलेबाग हांगच्या दोंगरार सेगीत दुसर्या दिसा उजो लागिल्ल्याची घडणूक घडली. हाका लागून दोंगराच्या तळाक रावपी नागरिकां मदीं चिंतेचें वातावरण निर्माण जालां.
थळाव्यांनी दिल्ले म्हायती प्रमाण, कालूय दोंगरार उजो लागिल्लो आनी आयज परत तेच सुवातेर परत तेच सुवातेर उजो आनी धुंवराचो लोट दिसूंक लागिल्ल्यान नागरिकांनी बेगोबेग संबंदीत यंत्रणांक कळयलें. मात, काल आनी आयज कागाळ करूनय ग्रामपंचायत तशेंच संबंदीत अधिकार्यांकडल्यान खर कारवाय करूंक नाशिल्ल्याचो आरोप थळाव्यांनी केला.
टेकडीच्या सकयल खुबशीं घरां, वस्ती आशिल्ल्यान उजो वेगान पातळल्यार व्हड धोको निर्माण जावपाक शकता, असो भंय थळाव्यांनी उक्तायला. सुक्या गवताक लागून आनी वाडपी तापमानाक लागून उजो आनीक वाडपाची शक्यताय थळाव्यांनी उक्तायली.
हे फाटभूंयेर, प्रशासनान वेगान घडणुके सुवातेर वेगान घडणुके सुवातेर पळोवणी करून उजो नियंत्रणांत हाडपा खातीर गरजेचीं पावलां उखलचीं, अशी मागणी नागरिकांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
