भांगरभूंय | प्रतिनिधी
नवी दिल्ली, खबरां संस्था : केंद्रीय पेट्रोलियम आनी सैमीक गॅस मंत्री हरदीपसिंह पुरी हांणी पेट्रोल-डिझेलाचें दर उणें करपा विशीं तेल कंपन्यां वांगडा कसलीच चर्चा जावंक ना, अशें सांगलें. कच्च्या तेलाचे अस्थिरताये मजगतीं सवाय इंधन उपलब्ध करून दिवपाक सरकाराचें प्राधान्य उरचें ना, अशेंय तांणी म्हणलां. कच्च्या तेलाचें दर सेगीत उणें जातना पुरी हांणी हें वक्तव्य केलां. फाटल्या १९ म्हयन्यांनी कच्चे तेल ३१% परस चड सवाय जालां. पूण हे मजगतीं पेट्रोलाचें दर ८ टक्क्यांनी उणें केल्या उपरांत थीर आसात, अशें तांणी म्हणलें.
‘संवसारीक बाजार अशांत आसा. झुजाक लागून कार्गो बोटींचेर हल्ले जातात. रेड सी आनी सुवेझ कानालांतल्यान १२% शिपिंग ट्रॅफीक, १८% ऑयल आनी ४-८% एलएनजीचो वेपार जाता. हातूंत आडखळ आयल्यार फुडाराक पुरवणेचेर परिणाम जावं येता. तेलाची उपलब्धताय वाडोवपाक प्राधान्य आसा. दर थीर जावपाक दियात. मागीर कपातीचो विचार करूया.’ अशें पुरी हांणी म्हणलें.
फकत भारतांत पेट्रोलियम उत्पादनांचे दर थीर आसा. सरकार पेट्रोल-डिझेलाचें दर उणें करपाची येवजण चालीक लावपाक सोदता, अशी खबर आयले उपरांत मंत्र्यांनी हे विधान केले.
तेल कंपन्यांक ४७ हजार कोटी रुपयांचो फायदो
देशांतल्या तीन सरकारी तेल कंपन्यांक अर्थीक वर्स २०२३-२४ च्या दोन तिमाहीत ४७,५४३.७ कोटी रुपयांचो फायदो जालो. अशें आसूनय सरकारी तेल कंपन्यांनी पेट्रोल-डिझेलाचो दर देवोवंक ना. हरदीपसिंह पुरी हांणी देशांतल्या सरकारी तेल कंपन्यांक फाटल्या तीन म्हयन्यांक जरी फायदो जालो. पूण आदीं कच्च्या तेलाच्यो किमती वाडिल्ल्यान ह्या कंपन्यांक लुकसाण सोंसचें पडलें, अशें सांगलें.
२०२४ त भारतांत सदच्या तेलाची मागणी ५.५९ दशलक्ष बॅरल आसतले. २०२३ त ५.३७ दशलक्ष बॅरल आशिल्ले. जाल्यार चीनांत ही मागणी ३.६ दशलक्ष बॅरल इतलीच उरतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
