पेटूल म्हापसा- एक प्रवास

भांगरभूंय | प्रतिनिधी

पे टूल ‘हो कोंकणी भाशा मंडळाचो नाच , गिताचो सुंदर
असो कार्यक्रम, हो अदूं वर्सा मडगांव , केपे, साखळी
,पेडणे , काणकोण, म्हापसा असो पेटलाचो प्रवास जालो. ‘पेटूल’ हे गोंयातलें दायज, ह्या पेटलांत जायत्यो वस्तु भरिल्ल्यो आसतात, जश्यो हांरशी, फणी, पिंजर, मेण, रिबिन जायतें.
आनी आता ह्या नव्या पेटलांतल्यान जायती गितां, नाच, सिडी, एनिमेशन, पोस्टरां भायर सरत आसात. म्हाका जेन्ना निवेदनाक हातभार लावपाचें काम दिलें, तेन्ना खऱ्या अर्थान हांव पेटुलमय जालें, आनी त्या ल्हान भुरग्यांच्या मेळ्यांत हांव पसून एक ल्हान भुरगे जावन गेलें. 12 तारखेर आमका तांणी वेदिका वाळके जी समन्वयक आशिल्ली, तिचे कडेन म्हापश्याचा पेटलाचो प्रवास सुरू जालो. त्यावेळार चार खंदे शुरविर हांवे पळयले, ते आशिल्ले, अवनिश कामत, समर्थ गांवस, समर्थ शेटकार, ईरा नार्वेंकार… आनी मागीर हांवे आनी पल्लवी गोलतकार हाणें हें शिवधनुष्य उखल्लें. तांकां सुत्रसंचालन म्हणजे कितें ते तांच्या आंगवळणी घालपाचो विडोच उखल्लो. मागी दुसरे दिसा सावन आमच्यो प्रॅक्टिसी आमच्या घरांत सुरू जाल्यो. म्हाका तसो अकरावी/ बारावेक शिकोवपाचो 32 वर्सां अणभव, पूण ह्या ल्हान वांगड्या बरोबर ल्हान जावन काम करचें पडलें. सूत्रसंचालन ही एक कलाच आसता, 64 कला आसतात तांतलीच एक.
सुत्रसंचालक आपल्या भाशणांत सगळो कार्यक्रम प्रत्येक सुत्रांत बांदता, थोड्यो पाळपाच्यो टिप्स आसतात. देखीक-

1. कार्यक्रमात घेवपी नांवाचो उच्चार स्पश्ट आसपाक जाय, 2. आवाज स्पश्ट आयकूंक येवंक जाय, 3. सुत्रसंचालकान भाशण बरोवन घेवन पाठ करचें आसता, 4. सादरीकरण करतना प्रत्येक वाक्यात उमळशीक दवरपाक जाय. 5. सदाच आनंदी चेरो दवरपाक जाय.
2. सुत्रसंचालन करतना सुटसुटीत वाक्यां आनी म्हणी घालपाक जाय. 7. आवाजांत चढउतार जाय, 8. सुत्रसंचालक हो लोकांचेर शेक गाजयता पूण तो मनशाक योग्य वाटेर हाडटा, 9. सदांच बॅक अप प्लॅन आसपाक जाय, 10. प्रॅक्टीस जंय कार्यावळ जातली ताचे आदले दीस ती तेच स्टेजीर करपाक जाय. मागीर ते सादरीकरण खूब सुंदर जाता.
   स्पश्ट नांवां घेवपाचें तांचे कसब आंगवळणी पडपाक आमकां खूब यत्न करचे पडले. तीं 8 ते 12 वर्सांची भुरगीं, आवाजांतले चढउतार तांकां मागीर समजुंक लागले. मदीं म्हाका मिटींगे खातीर वच्चें पडले म्हणून प्राची कडेन पर्वरी तीं भुरगी गेलीं आनी रत्नमाला दिवकार हांच्या प्रभावी मार्गदर्शनान तांच्या सादरीकरणांत आनीक भर पडली. मागीर परत करासवाडा अवनिशा कडेन प्रॅक्टिसी सुरू जाल्यो.
   पेटलाचो उगडपाचो म्हूर्त आशिल्लो 28 फ्रेबेर बोडगिणी हांगां. 26 तारखेर आमी बोडगिणी वचून प्रॅक्टीस केली. आदल्या दिसा आमी सगळीं आनंदात आसलीं, कारण आमचें भुरग्यांचें पाठांतर जाल्लें. 28 तारीख उजवाडली. भुरग्यांच्या आयुश्यांतलो तो पयलोच कॉलर मायक घालून उलोवपाचो दीस. पल्लवीन सगळी तयारी करून घेतली. शिक्षकी अणभव आसुनय हांव धडपडलें, पूण म्हज्या बालविरांनी भियेनासतना आपले डायलॉग म्हळें. तो नाचाचो कार्यक्रम सोंपलो आनी हांवे उस्वास सोडलो. सगळे तांची तुस्त करताले. कोंकणी भाशा मंडळाची अध्यध्य अन्वेषा सिंगबाळ, वेदीका, प्राची, केशव, रत्नमाला, साईश, चेतन, स्नेहा सगळ्या जाणांनी तांकां परबीं भेटयलीं. म्हजे शूरवीर आपले कसोटीक खरे उतरले. हांवेय भेटवस्तू दिवन तांची तोखणाय केली. खरेंच ह्या पेटलान एक नवें दार उक्तें केलें. म्हाका आनी आमच्या भुरग्यांक नवीं आव्हांनां पेलपाची जिद्द भाशा मंडळान शिकयली. भुरग्यांक मेळिल्ले ‘सर्टिफिकेट’ सदांच तांच्या कार्याची पावती दित रावतलें.
   हासुयां…….नाचुंया, खेळुंया, पेटलान किरणां काणयांचीं गुंथुया….

सुचेता कामत पै
9421242859