भांगरभूंय | प्रतिनिधी
नवी दिल्ली, खबरां संस्था : पेटीएम सेवा चालू उरतली काय बंद जातली हो दुबाव आशिल्ल्या गिरायकां खातीर व्हडली खबर. आतां गिरायकांची असुविधाय पयस जातली. कारण पेटीएमची सेवा चालूच उरतली. पेटीएमाक नॅशनल पेमेंट कॉर्पोरेशन ऑफ इंडिया (एनपीसीआय)कडल्यान थर्ड पार्टी ऍप्लिकेशन प्रोव्हायडरचें लायसन्स मेळ्ळां.हाका लागून पेटीएमची सेवा चालू दवरपाची वाट मेकळी जाल्या. ह्या निर्णयाक लागून पेटीएमच्या लाखांनी गिरायकांनी समाधान उक्तायलां. ह्या सगल्या गिरायकांची यूपीआय पेमेंटची सेवाय आदले भशेन चालूच उरतली. कारण आरबीआयचे बंदीचो परिणाम फकत पेटीएम पेमेंट्स बँकेचेर जातलो. पेटीएमचेर अशें जावचें ना.
एनपीसीआयन एक निवेदन जारी केलां. ते प्रमाण पेटीएम कंपनीन मल्टी बँक मॉडल प्रमाण यूपीआय पेमेंटचे थर्ड पार्टी ऍप प्रोव्हायडरचें मेळयला अशें स्पश्ट केलां. हाचो अर्थ आतां गिरायकांक पेटीएम प्लॅटफॉर्माचेर गूगल पे, फोन पे, भारत पे ऍप सारकिल्ल्यो यूपीआय सेवा वापरूं येतात. फकत तांचें खातें पेटीएम पेमेंट्स बँके कडेन जोडूंक फावना.
चार व्हडल्या बँकीं कडेन टाय-अप
एनपीसीआयच्या म्हणण्या प्रमाण एक्सिस बँक, एचडीएफसी बँक, स्टेट बँक ऑफ इंडिया आनी येस बँक सयत चार बँकांनी पेटीएम कडेन संबंद जोडला. चारय बँको One97 Communications म्हळ्यार Paytm खातीर पेमेंट सेवा पुरवणदार म्हूण काम करतलीं. हो बँक पेटीएम खातीर सद्याच्या आनी नव्या यूपीआय वेपार्यां खातीर संपादन बँक म्हणून काम करतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
