पॅन कार्ड लिंक करुंक ना जाल्यार एसबीआय बँक खाते ब्लॉक जातले?

भांगरभूंय | प्रतिनिधी

जायत्या जाणांचें बँक खातें एसबीआय कडेन आसा. कांय दिसा सावन सोशल मिडियाचेर एक संदेश व्हायरल जावपाक लागला. त्या संदेशांत तुमी तुमचें खातें पॅन कार्डा कडेन जोडूंक ना जाल्यार तें ब्लॉक करतले असो दावो केला. तुमकांय असो संदेश आयला जाल्यार ताचेर विस्वास दवरचे पयलीं ह्या संदेशाचें सत्य जाणून घेयात. पीआयबी फॅक्ट चेकान ह्या प्रकरणाची म्हायती दितना एक गजाल उक्ती केला.

ह्या प्रकरणांत प्रेस इन्फॉर्मेशन ब्युरोन आपल्या अधिकृत ट्विटर हँडलाचेर ट्विट करून फाटल्या कांय दिसां सावन फटवणूक करपाक स्टेट बँकेच्या नांवान लोकांक संदेश धाडटात की तुमी तुमच्या खात्यांत पॅन क्रमांक अपडेट करूंक ना जाल्यार तुमचें खातें ब्लॉक करतले अशी म्हायती दिल्या. हाचे वांगडाच तुमकां कॉल वा खंयच्याय लिंक वरवीं पॅनाची म्हायती अपडेट करपाची सल्लो दितात. असो खंयचोय संदेश आयल्यार ताचेर विस्वास दवरूं नाकात. हो संदेश पुरायपणान फटीचो आसा.

अशा घोटाळ्यां पसून स्वताची राखण करात

स्टेट बँक आपल्या गिरायकांक सदांच शिटकावणी दिता. बँक कोणाकूच फोन करून वा मेसेज करून खात्या संबंदीत म्हायती अपडेट करपाचो सल्लो दिना. बँक पॅन तपशील अपडेट करपाक सांगपी कसलीच लिंक वा संदेश धाडिना. हाचे वांगडाच बँकेन सांगलां की कोणूय सायबर गुन्यांवाक बळी पडल्यार अशें परिस्थितींत 1930 ह्या नंबराचेर वा [email protected] ह्या ईमेलाचेर कागाळ दाखल करूं येता.