भांगरभूंय | प्रतिनिधी
नवी दिल्ली, खबरां संस्था ः जायत्या जाणांक पॅकेज्ड ड्रिंकिंग वॉटर वा मिनरल वॉटर घेवन पियेवपाची संवय आसा. प्रवासा वेळार चड करून बाटलीबंद उदक (Packaged Drinking Water) आमी विकते घेतात. ह्या बाटलीबंद उदकाक ‘मिनरल वॉटर’ वा ‘पॅकेज्ड ड्रिंकिंग वॉटर’ अशें म्हण्टात. हें उदक शुद्ध आसा अशें आमी मानतात आनी हाका लागून आमकां कसलेंच लुकसाण जायना अशें दिसता. जायत्या गिरेस्तांच्या घरांनी हें उदक विकतें घेवन पिवपा खातीर आनी रांदपा खातीर वापरतात. पूण आतां बाटलीबंद उदक पियेवपी आनी हें उदक विकपी कंपनीं खातीर एक धक्को दिवपी खबर आसा.
भारतीय अन्न सुरक्षा आनी मानक प्राधिकरणान (FSSAI) म्हणलां, हें उदक आमकां धोक्याचे थारूंक शकता. एफएसएसएआयन पॅकेज्ड ड्रिंकिंग वॉटर आनी मिनरल वॉटराचे वर्गीकरण चड धोकादायक अन्न पदार्थांच्या श्रेणीत केलां. देखून आतां हें उदक तपासप सक्तीचें जालां. तशेंच ह्या उदकाचें आनी तें उदक विकपी कंपनींचें ऑडिट जातलें. तशेंच खंयचेय कंपनीन परवानो वा नोंदणी मेळोवचे पयलीं ऑडिट करप गरजेचें आसा. तशेंच ह्या उत्पादकांना आतां एफएसएसएआय प्रमाणपत्र घेवचें पडटलें. त्याच वेळार थर्ड पार्टी अन्न सुरक्षा संस्था कडल्यान वर्सुकी ऑडिट करचें पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
