भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुको वाचपघरांत राष्ट्रीय पुस्तक सप्ता निमतान तरेकवार सर्ती आनी हेर कार्यावळी जाल्यो. दोन दीस ही कार्यावळ जाली. ताचें उक्तावण काणकोण पालिका मंडळाची नगरसेविका नीतू देसाय, मुख्याध्यापक सुदेश नायक शिक्षक सत्यवान गांवकार आनी विनय वेळीप हाचें उपस्थितींत जालें. वाचपघऱाचो लोकांनी जाता तितलो लाब घेवचे अशें नीतू देसायान मागलें. भुरग्यां मदीं वाचन संस्कृती वाडोवपा खातीर यत्न करपाची गरज ताणे उक्तायली. वाचनात आपली बौद्धिक उदरगत जाता अशें सुदेश नायकान सांगलें.
पयल्या दिसा भुरग्यां खातीर कविता वाचन आनी निबंध सर्त जातली. कविता वाचन सर्तींत पयली आनी दुसरी ह्या गटांत श्रृतिका वळवयकार हाका पयलें, साची वेळीपाक दुसरें आनी श्रीनिधी फळदेसाय हाका तिसरें इनाम मेळ्ळें. तिसरी आनी चवथेच्या गटांत विहांग महालेक पयले, काव्या फळदेसायान दुसरें आनी आयिशा गांवकाराक तिसरें इनाम फावो जालें.
निबंध सर्तींत शुक्ला महालेक पयलें, निविक्षा रेडकारा दुसरे आनी उर्वी देसायाक तिसरें इमान मेळ्ळें. कथा कथन सर्तींत अववी देसायाक पयलें, श्रीनिती देसायाक दुसरे आनी भार्गवी सतरकाराक तिसरें इनाम मेळ्ळें. इंग्लिशींत अक्षर बरोवपाचे सर्तीत नेहांश गांवकार, जागृती शिरोडकार, आनी गौरांग वेळीप हांका इनामा मेळ्ळी. पाढे बरोवपाचे सर्तींत साची वेळीप, मानव वेळीप आनी श्रीशा वेळीप हांका पयलीं तीन इनामां मेळ्ळी. कार्यावळीच्या समारोपाक अमिता देसाय, निशिकांत नायक, विनय वेळीप हाजीर आशिल्लो. जैतिवंत सर्तकांक सोयऱ्याचे हस्तुकीं इनामां भेटयली. सर्तीचें परिक्षण सुदेश नायक, अमिता देसायस, निशिकांत नायक हाणी केले. सूत्रसंचालन ग्रंथपाल प्रकाश गांवकारान केलें. संदेश पैन उपकार मानले. कार्यावळ येसस्वी करपा खातीर हिरा महाले, नंदा नायक, संदीप पागी, सुदेश लोलयेकार, सुचिता वेळीप हाणी योगदान दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
