भांगरभूंय | प्रतिनिधी
वसंत सावंत: कुडचडेंच्या सरकारी तालुका वाचनालयांत मनयलो संवसारीक पुस्तक दीस
केपें: संवसारीक पुस्तक दीस वाचन सांस्कृतायेक उर्बा दिवपी दीस. ह्याच दिसा कॉपी रायट दीस आशिल्ल्यान लेखकांचे अधिकार आनी प्रतिश्ठा हे विशीं लोकां मदीं जागृताय जायत आसता अशें नामनेचे लेखक आनी गोवा कोंकणी अकादमीचे उपाध्यक्ष वसंत भगवंत सावंत हांणी सांगलें. ते कुडचडेंच्या सरकारी तालुका वाचनालयान संवसारी पुस्तक दिसा निमतान आयोजीत कार्यावळींत मुखेल सोयरे म्हणून उलयताले.
कोपी रायट हो विशय सामके सोपे तरेन सांगतना तांणी कितलींशींच उदाहरणां दिवन रचणुकेचें म्हत्व आनी अधिकार हाचेर सोबीत तरेन विवेचन केलें.
ह्या वेळार वाचन सल्लागार समितीचे अध्यक्ष शेलेश संझगीरी, विठ्ठल अवादियकार हाजीर आशिल्ले.
शैलेश संझगिरी हांणी प्रास्तवीक केलें. शिरीजा कुर्डीकार हांणी सगळ्यांक येवकार दिलो आनी सोयर्यांची वळख करून दिली. जाल्यार आदित्य तारी हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
