भांगरभूंय | प्रतिनिधी
भायर मेळटात ते जीनस खावचे परस तांतीं बुर्जी, आम्लेट करून खावप बरें. तांतयांत अॅसिडिटी जायना. तेन्ना सगल्यांनी नेमान तांतयां खावची आनी तंदुरुस्त रावचें.
संडे हो या मंडे, रोज खाओ अंडे, अशी एक जायरात तुमी पळयल्याच आसतली. थोडे लोक सदांच तांतयां खातात. पूण आमचे हिंदू भाव सोमार आनी बिरेस्तार केन्नाच मासाहार करीनात. तांतयां खायनात. हे दोन दीस सोडून ते तांतीं खातात. तांतीं ल्हाना पसून व्हडा मेरेन सगल्यांचे मोठे आवडीचें. चड करून ल्हान भुरग्यांक तांतयां चड आवडटात.
तांतयांनी सगल्यांत चड प्रोटिन्स आसता. उणेंच स ग्राम. तांतयांचो हळडुवो बळक खूबच पुश्टीक. तीस वर्सां वयल्या दादले, बायलांक हळडुवो बलक खांव नाकात अशें सांगतात. तांतयाचो धवो भाग खायात अशें दोतोर सांगतात. पिराय वाडली काय आमची स्मरणशक्त कमी जाता. ती बरी उरपाक दिसाक एक तांती खावप खरेंच बरें. सदांच एक तरी तांती खायत जाल्यार मेंदवाची कार्यक्षमता सुदारता. तांतयांतलीं व्हिटामिन्स बी 6, बी 12 आनी फाॅलिक अॅसिड मेंदवाची भलायकी बरी राखपाक खूबच मजत करता. ज्यो बायलो तांतयां खातात तांची उलोवपाची तांक बरी उरता. स्मरणशक्तूय तीव्र जाता. तांतयांचो परिणाम दादल्या, बायलांचेर एकसारकोच परिणाम करता.
वाडटे पिरायेचेर याद उरना. विसरपाक जाता. मेंदवाचेर परिणाम जाल्ल्यान हें घटना. तांणी दिसाक एक तांती खांवचें. मेंदवा खातीर तें गुणकारी. तांतीं बायलांचीं हाडां मजबूत करता. तातूंत प्रोटिन्स, विटामिन बी 12, फाॅस्फरस, सेलिनियम पसून आसता. ज्यो आमच्यो कुडीच्यो तरेकवार क्रिया आसात, त्यो सुदारपाक मजत जाता. रोगप्रतिकार शक्त वाडटा. तांतयांचें खूबशे पुश्टीक पदार्थ जातात. तें उकडून, तळून खातात. ताचें आमलेटूय करतात. पाव, ब्रेड, चपाती वांगडा तें खातात. तांतयांचो गरम मसाला चिकनाक फाटीं घालता. तांतीं उकडून ताचे दोन वांटे करपाचे. बेसन, मीठ, मिरसांग, हळद पावडर घालून पेस्ट करपाची. तातूंत एक – एक तांतयाचो कुडको बुडोवन डीप फ्राय करपाचें. भायर मेळटात ते जीनस खावचे परस तांतीं बुर्जी, आम्लेट करून खावप बरें. तांतयांत अॅसिडिटी जायना. तेन्ना सगल्यांनी नेमान तांतयां खावची आनी तंदुरुस्त रावचें.
– सिद्धी तिळवे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
