भांगरभूंय | प्रतिनिधी
पणजी : गोवा खंडपीठान २३ मार्च २०२३ दिसा जाहीर केल्ली पुलीस निरीक्षक पदावेली निमाणी ज्येश्ठता वळेरी रद्द करीत, तीन म्हयन्यां भितर नवी सुदारीत वळेरी तयार करपााचे आदेश पुलीस इस्टेब्लिशमेंट बोर्डाक (पीईबी) दिल्यात. वट्ट १६ पुलीस निरीक्षकांनी हे वळेरेक न्यायालयांत आव्हान दिल्लें. हातूंत तांचो उल्लेख भारतीय राखीव पुलीस दळाच्या पुलीस निरीक्षकां परस सकयल्या नंबराचेर केल्लो, तरी याचिकादारांचे पदोन्नतीचे आदेश २०११ आनी २०१२ वर्सा आयिल्ले.
याचिकादारांक तांच्या पदोन्नतीच्या मूळ तारखे प्रमाण निमाणे ज्येश्ठता वळेरेंत सुवात मेळप गेरजेचें आशिल्लें. पीईबीन नव्यान ज्येश्ठताय निश्चीत करतना याचिकादारांच्या पदोन्नतीच्यो मूळ तारखो ग्राह्य धरपाचे निर्देश न्या. भारती डांगरे आनी निवेदिता मेहता ह्या दोन वांगड्यांच्या न्यायपिठान दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
