पुलीस दलांत व्हड बदल

भांगरभूंय | प्रतिनिधी

एकाच वेळार 50 पुलीस निरिक्षकांच्यो केल्यो बदल्यो

भांगरभूंय । प्रतिनिधी

पणजी : सुमार दोन वर्सां सावन प्रलंबीत आशिल्ल्यो पुलीस निरिक्षकांच्या बदल्यांचो आदेश एकाच दिसा जारी जालो. वट्ट 50 पुलीस निरिक्षकांची बदली जाल्ल्यान पुलीस दलांत व्हड बदल जाल्यात. खूब तेंप बदल्यो जावंक नाशिल्ल्यो. ह्यो बदल्यो ह्यो नेमीत प्रशासकी पद्दतीचो भाग जावन आसा. आतां पुलीस निरिक्षकांचो आंकडो वाडला. हाका लागून वट्ट 50 पुलीस निरिक्षकांच्या बदल्यांचो आदेश जारी करचो पडलो. पयली 8 ते 10 पुलीस निरिक्षकांच्या बदल्यांचो आदेश जारी जातालो, अशी म्हायती पुलीस अधिक्षक (मुख्यालय) नेल्सन अल्बुकेर्क हांणी दिली.

पर्यटन हंगाम सुरू आशिल्ल्यान व्हड प्रमाणांत गोंयांत पर्यटक येवपाक लागल्यात. काय दिसां पयलीं पर्यटकां कडल्यान आजनेरीच्यो घडणुको जाल्ल्यो आसा. तशेंच शॅक कर्मचाऱ्यां कडल्यान पर्यटकांक मारहाण जावपी घडणुको जाल्यात. हे फाटभुंयेर कळंगूट, मांद्रें, बेतूल दर्यादेग सुरक्षा, तळपण दर्यादेग सुरक्षा पुलीस फांट्याच्या पुलीस निरिक्षकांच्यो बदल्यो जाल्यात.

आदेशा प्रमाण पुलीस निरिक्षक संजीत कांदोळकार हांची पर्वरी येरादारी फांट्यांतल्यान कोलवाळे पुलीस स्टेशनार जाल्यार मंगेश वळवयकार हांची एसीबी विजीलन्सांतल्यान रायबंदर गुन्यांव फांट्यांत बदली जाल्या.

हेर पुलीस निरिक्षकांच्यो बदल्यो अश्यो :

गिरेंद्र नायक (पणजी सुरक्षा फांट्यांतल्यान मांद्रें पुलीस स्टेशन), निनाद देउलकार (रायबंदर गुन्यांव फाट्यांतल्यान मोपा विमानतळ येरादारी फांटो), शेरीफ जॅकीस (मांद्रें सावन मुरगांव), सुरज सामंत (जीआरपी सावन मडगांव शार), मिलिंद भूइंबर (वेल्फेर सोसायटी आल्तिनो सावन साळगांव), सोमनाथ महाजीक (साळगांव सावन तेरेखोल दर्यादेग सुरक्षा), विक्रम नायक (तेरेखोल दर्यादेग सुरक्षा सावन पणजी सुरक्षा फांटो), चंद्रकांत गांवस (पणजी सुरक्षा सावन दिवचल येरादारी फांटो), गौरेश परब (दिवचल येरादारी फांट्या सावन पणजी मुख्यालय), महेश वेळीप (पणजी मुख्यालया सावन कुडचडें येरादारी फांटो), धिरज देविदास (मुरगांव सावन पर्वरी येरादारी फांटो), सचीन नार्वेकार (कळंगूट येरादारी फांट्या सावन एसपीसीआर पणजी), ब्रेंडन डिसोझा (एसपीसीआर पणजे सावन कळंगूट येरादारी फांटो), दितेंद्र नायक (डीजीपी कार्यालया सावन सांगें), मेल्सन कुलासो (वेर्णा सावन जीआरपी), आनंद शिरोडकार (एफआरआरओ पणजी सावन वेर्णा), महेश केरकार (मोपा विमानतळ येरादारी सावन वेल्फेर सोसायटी, आल्तिनो), टेरेंस वाझ (एससीआरबी पणजे सावन जीआरपी), संध्या गुप्ता (पुलीस मुख्यालया सावन रायबंदर गुन्यांव फांटो), विनायक पाटील (जीआरपी सावन मडगांव एसबी फांटो), हिरू कवळेंकार (मडगांव एसबी केंद्रा सावन रायबंदर गुन्यांव फांटो), मिरा डिसिल्वा (एसपीसीआर पणजी सावन एएनसी), प्रवीण गांवस (सांगें सावन टीईसी पणजी), नवलेश देसाय (तळपण दर्यादेग सुरक्षा सावन बेतुल दर्यादेग सुरक्षा), थेरोन डिकोस्ता (बेतूल दर्यादेग सुरक्षे सावन तळपण दर्यादेग सुरक्षा), दत्ताराम राऊत (रायबंदर गुन्यांव फांट्या सावन जीआरपी), तुळशीदास नायक (मडगांव सावन जीआरपी), सगुण सावंत (डीजीपी रीडर सावन एसबी पणजी), विजय राणे सरदेसाय (कोलवाळ सावन रायबंदर गुन्यांव फांटो), वैभव नायक (कुडचडें सावन वास्को), तुकाराम चव्हाण (पुलीस मुख्यालया सावन वास्को येरादारी फांटो), अल्वितो रॉड्रिग्ज (कोलवा येरादारी फांट्या सावन वास्को येरादारी फांटो), दत्तगुरू सावंत (पणजी सुरक्षा सावन डीजीपी रीडर), शैलेश नार्वेकार (वास्को येरादारी फांट्या सावन एसीबी दक्षता), अजीत उमर्ये (पणजी दर्यादेग सुरक्षे सावन डीजीपी रीडर), रादेश रामनाथकार (पणजी एसबी केंद्रा सावन हार्बर दर्यादेग सुरक्षा), प्रदीप वेळीप (हार्बर दर्यादेग सुरक्षे सावन पणजी एसबी केंद्र), कपील नायक (वास्को सावन एसीबी), चेतन सौलेकार (पणजी येरादारी फांट्यातल्यान हणजूणें येरादारी फांटो), शिताकांत नायक (हणजूणें येरादारी फांट्यांतल्यान पणजी येरादारी फांटो), परेश नावेलकार (पणजी सुरक्षा फांट्यांतल्यान पीटीएस वाळपय), उदय गावडे (एसबी पणजी सावन एटीएस), ब्रुटानो पॅक्सीटो (एटीएस सावन दक्षता फाटो पणजी), रामकृष्ण मंगेशकार (दक्षता फांट्या सावन सुरक्षा/ बीडीडीएस पणजी), राजेश जॉब (पीटीएस वाळपय सावन एससीआरबी पणजी), अनुष्का पै बीर (पणजी पीटीशन फांट्या सावन सायबर गुन्यांव), लोवेलीन डायस (पणजी पिटीशन फांट्या सावन एएचटीयू पणजी), विलेश दुर्भाटकार (एटीएस सावन जीआरपी) ड्युटी मास्तरां कडेन पुलिसांच्या बदलीचो जो आदेश आयला आनी खात्यान जारी केल्लो आदेश हाची खातरजमा करपा खातीर बिरेस्तारा ड्युटी मास्तरांक आपयल्ले. कितल्या पुलिसांची आदेशा उपरांत मुक्तता जाली, हाचोय आंकडो जाणून घेवपाचो आशिल्लो. आदेशांचे रेकॉर्ड तपासपा खातीर ड्युटी मास्तरांक आपयल्ले, अशी म्हायती पुलीस अधिक्षक नेल्सन अल्बुकेर्क हांणी दिली.