भांगरभूंय | प्रतिनिधी
पणजीः होंडा पुलीस चौके मुखार मोटारीक उजो लावपी लोकांक पुलीस कशेंच सोडचे नात. आतां मेरेन तिगांक ताब्यांत घेतल्यात. तांचेर फावो त्या कलमा खाला कारवाय जातली. अशो घडणूको केन्नाच सोंसचे नात अशी शिटकावणी मुख्यमंत्री डॉ. प्रमोद सावंत हांणी दिल्या.
रातभर नरकासूरा मुखार लायिल्ल्या सावंड बाॅक्सांच्या कर्णकर्कश आवाजाची कागाळ पुलिशेंत केल्ल्या मनशाचे मोटारीक उजो लावपाची घडणूक होंडा घडली. लोकांनी पुलीस चौकी मुखारच मोटारीक उजो लायलो. तणावाची परिस्थिती नियंत्रणांत हाडपा खातीर वाळपायच्यान पुलीस दळ हाडचो पडलो. पुलिसांनी कोणे कागाळ केली, तें गुपीत दवरूंक जाय आशिल्लें, अशें कांय जाणांनी सांगलें.
कागाळदाराचे मोटारीक उजो लावप हो गंभीर आनी धक्को दिवपी प्रकार आसा. हाचे पयलीं असले प्रकार जावंक नात. गोंयांत दिवाळीच्या वेळार रातभर नरकासूरा मुखार शक्य तितल्या व्हडल्या आवाजांत इंग्लीश, हिंदी पदां वाजोवपाची फाटल्या 30- 35 वर्सां सावन प्रथा आसा. पुलिसांनी रातीं बारा मेरेन तें लावचें. मागीर बंद करचें असो उलो मारिल्लो. पुलिसांनी गस्त घाली तरी कसलीच कारवाय जाली ना.
पुलीस चौके मुखार मोटारीक उजो लावप्यांक सोडचें नात: मुख्यमंत्री
पणजीः होंडा पुलीस चौके मुखार मोटारीक उजो लावपी लोकांक पुलीस कशेंच सोडचे नात. आतां मेरेन तिगांक ताब्यांत घेतल्यात. तांचेर फावो त्या कलमा खाला कारवाय जातली. अशो घडणूको केन्नाच सोंसचे नात अशी शिटकावणी मुख्यमंत्री डॉ. प्रमोद सावंत हांणी दिल्या.
रातभर नरकासूरा मुखार लायिल्ल्या सावंड बाॅक्सांच्या कर्णकर्कश आवाजाची कागाळ पुलिशेंत केल्ल्या मनशाचे मोटारीक उजो लावपाची घडणूक होंडा घडली. लोकांनी पुलीस चौकी मुखारच मोटारीक उजो लायलो. तणावाची परिस्थिती नियंत्रणांत हाडपा खातीर वाळपायच्यान पुलीस दळ हाडचो पडलो. पुलिसांनी कोणे कागाळ केली, तें गुपीत दवरूंक जाय आशिल्लें, अशें कांय जाणांनी सांगलें.
कागाळदाराचे मोटारीक उजो लावप हो गंभीर आनी धक्को दिवपी प्रकार आसा. हाचे पयलीं असले प्रकार जावंक नात. गोंयांत दिवाळीच्या वेळार रातभर नरकासूरा मुखार शक्य तितल्या व्हडल्या आवाजांत इंग्लीश, हिंदी पदां वाजोवपाची फाटल्या 30- 35 वर्सां सावन प्रथा आसा. पुलिसांनी रातीं बारा मेरेन तें लावचें. मागीर बंद करचें असो उलो मारिल्लो. पुलिसांनी गस्त घाली तरी कसलीच कारवाय जाली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
