भांगरभूंय | प्रतिनिधी
मुख्यमंत्र्यांची हमी : ‘डीप ट्रेस’ उपकरणाचें उक्तावण
भांगरभूंय । प्रतिनिधी
पणजी : नव्या नव्या तंत्रज्ञानाच्या माध्यमांतल्यान पुलीस खात्याक चडांत चड घटमूट करपाचे यत्न गोंय सरकारा कडल्यान सुरू आसात. ‘ड्रीप ट्रेस’ हो ताचोच भाग आशिल्ल्याचें मुख्यमंत्री डॉ. प्रमोद सावंत हांणी स्पश्ट केलें. आल्तिनो वयल्या सरकारी बंगल्याचेर मुख्यमंत्र्यां हस्तुकीं ‘डीप स्ट्रेस’चें उक्तावण केलें. पुलीस म्हासंचालक अलोक कुमार, सायबर गुन्यांव विभागाचे अधिक्षक राहूल गुप्ता आनी हेर अधिकारी ह्या वेळार हाजीर आशिल्ले.
‘डीप ट्रेस’ ह्या तंत्रज्ञानाची गुन्यांवकारांक सोदपाक आनी तांचेर तत्काळ कारवाय करपाक व्हड मजत जातली. अधिक्षक आनी ताचे वयल्या पुलीस अधिकाऱ्यांक ह्या तंत्रज्ञानाचो वापर करपाक मेळटलो, अशें मुख्यमंत्री डॉ. सावंत हांणी सांगलें. गोंयच्या पुलीस खात्यांत अत्याधुनीक, एआयचेर आदारीत उपकरणांचो आस्पाव करून गुन्यांवकारीक आळाबंद घालपाचे यत्न सरकारा कडल्यान चालू आसात. ताका येस लेगीत मेळटा. फुडल्या काळांत लेगीत सरकार अशेच तरेची आधुनीक यंत्रणा खात्याक दितले, अशी हमी तांणी दिली.
बिराडकारांचे पडताळणी खातीर वापरतले अॅप
बिराडकारांचे पडताळणी खातीर हाचे मुखार गोंय पुलिसां कडल्यान अॅपाचो वापर करतले, अशें पुलीस म्हासंचालक अलोक कुमार हांणी स्पश्ट केलें. जाल्यार गोंयांत सध्या बिराडकारांचे पडताळणी मोहिमेक गती दिल्या. पुलीस दरेका बिराडकाराचें आधार कार्ड तपासपाक शकना. जांचेर दुबाव आसा, तांच्या कागदपत्रांची पडताळणी करता, अशें मुख्यमंत्री डॉ. प्रमोद सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
