भांगरभूंय | प्रतिनिधी
पणजीः कर्मचारी निवड आयोगान 2025त पुलीस उपनिरिक्षक (पीएसआय) पदां खातीर घेतिल्ल्या भरतीचो निमाणो निकाल जाहीर जाला. ते प्रमाण 150 पीएसआयची नेमणूक वळेरी जाहीर केल्या. सविस्तर वळेरी तशेंच वेटिंग लिस्ट आयोगाच्या संकेतथळार उपलब्ध आसा. ह्या पदांची जायरात मे 2025त दिली.
निवडिल्ल्या वळेरेंत 140 दादले पीएसआय आसपावीत आसात. हातूंत सर्वसामान्य 80, एसटी 19, एससी 3, ओबीसी 41 आनी ईडब्ल्यूएस 7 सुवातींचो आनी वेटिंग लिस्टांत 59 जाणांचो आस्पाव आसा. हाचे भायर बायलां पीएसआय पदांच्या 10 सुवातांचो निकाल जाहीर क्लो. तातूंतल्यो 9 सुवाती सर्वसामान्या आनी एक सुवात एसटी वर्गांतली आसा.
ज्या उमेदवारांनी आपल्यो जाती आनी समुदाय आरक्षणाक लागून पिरायेत सूट घेतला तांकां संबंदीत वर्गांत दवरल्यात अशें आयोगान स्पश्ट केलां. ज्या उमेदवारांनी विभागीय उमेदवार म्हणून वा सरकारी कर्मचारी म्हणून सूट घेतल्या तांकां अनुसुचीत जाती, जमाती, ओबीसी म्हणून फुडली सूट मेळूंक ना जाल्यार देंवपी क्रमान योग्यते प्रमाण अनारक्षीत प्रवर्गाच्या स्वताच्या गुणवत्तेत दवरल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
