भांगरभूंय | प्रतिनिधी
मुंबय, खबरां संस्था: सध्या मुंबय पुलिसांनी व्हायरल पत्राची चवकशी सुरू केल्या. आतां पत्र व्हायरल जावप ही नवी गजाल न्हय. पूण ह्या प्रकरणांत बायल पुलिसांनी पुलीस खात्याचे दोन उपायुक्त, दोन पुलीस निरिक्षक आनी तीन हवालदारांचेर थेट बलात्कार केल्ल्याचो आरोप केला. बलात्कार आनी लैंगीक अत्याचाराचे आरोप पुलीस खात्यांत काम करपी बायल पुलीस अधिकार्यां कडल्यानूच जाल्यात.
मुंबय पुलीस सुत्रांनी दिल्ले म्हायती प्रमाण हें पत्र मुख्यमंत्री एकनाथ शिंदे हांचे कडेन दिलां. तशेंच डिसेंबरांत उपमुख्यमंत्री देवेंद्र फडणवीस, अजीत पवार, मुंबय पुलीस आयुक्त, मुंबय पुलीस सह आयुक्त हांकां दिलां.
पत्रांत नेमको कितें आरोप आसा?
जें पत्र व्हायरल जालां तातूंत बायलां पुलिसांनी, तीन अधिकार्यांनी तांकां आपल्या घरा व्हरून थंय तांचें लैंगीक शोशण केलें. तशेंच आमी खेड्यांतल्यान आयिल्ल्यान आमचो फायदो घेतलो. आमकां कामाच्या वेळार खंयचीच व्हडली जापसालदारकी दिनासतना ताचे बदला दोन पुलीस आमकां उपायुक्तांच्या घरा घेवन गेले. थंय आमचेर बलात्कार जालो. तशेंच लैंगीक शोशणूय जालें, अशे आरोप ह्या पत्रांत जाल्यात. ह्या पत्राची प्रत सोशल मिडियाचेर व्हायरल जाता. मोटर परिवहन विभागांत काम करपी आठ बायलां पुलिसांचीं नांवां आनी सयो ह्या पत्राचेर आसात. पत्रांत नमूद केल्ले प्रमाण ह्या आठूय बायलांनी पुलीस उपायुक्त, दोन पुलीस निरीक्षक आनी तीन कॉन्स्टेबलांचेर बलात्काराचो आरोप केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
