भांगरभूंय | प्रतिनिधी
वट्ट 3.2 लाख नोंदी: इतिहासीक, भौशीक, न्यायालयीन, महसूल, लश्करी कागदपत्रांचो आस्पाव
पणजी: गोंय राज्याच्या इतिहासीक दायजाचो सांबाळ करपी अभिलेखागार आनी पुरातत्व संचालनालया कडेन सद्या 3,02,250 नोंदी आसून तातूंतल्यो 2,72,15,730 पानां सांबाळून दवरल्यात. ह्या नोंदी मदीं इतिहासीक, भौशीक, न्यायालयीन, महसूल, लश्करी तशेंच हेर विभागांतल्या म्हत्वपूर्ण कागदपत्रांचो आस्पाव आसा.
न्यायालयीन नोंदीचो सगल्यांत चड सांठो आसून 2,04,729 नोंदीं मदीं 1,61,59,042 पानां आसात. इतिहासीक नोंदींची संख्या 11,183 (30,59,749 पानां) असून भौशीक नोंदीं मदीं (बाप्तिस्मा, जल्म, लग्न, मरण) 9,544 नोंदी आनी 16,33,732 पानां सुरक्षीत आसात.
कोमुनिदाद, महसूल, लश्करी, पुलीस, लेखा संचालनालय, मुरगांव पोर्ट ट्रस्ट, कलेक्टर कार्यालय तशेंच इंटेन्डेन्सिया विभागंतल्यो हजारांनी फायली लेगीत सांबाळून दवरल्यात. संचालनालयान ह्या दस्तावेजांचें डिजिटायझेशन करपाचें कामूय हातांत घेतलां.
अभिलेखागार आनी पुरातत्व संचालनालया कडेन आशिल्ल्यो नोंदी
वट्ट नोंदी : 3,02,250
वट्ट पानां : 2,72,15,730
न्यायालयीन नोंदी : 2,04,729
इतिहासीक नोंदी : 11,183
भौशीक नोंदी : 9,544
कोमुनिदाद नोंदी : 23,062
लश्करी नोंदी : 9,755
डिजिटायझेशनची उदरगत
शासकी राजपत्र (1841-1961), कायदे (1901-1961) आनी दुर्मीळ पुस्तकां (1697-1960) हांचे 499 खंडातले सुमारे 2,93,029 पानां स्कॅन
4500 मोडी-मराठी हस्तलिखितां डिजिटल स्वरुपांत
कॅप्टन ऑफ पोर्ट्स संबदीत 145 खंडांतल्यो 8,403 नोंदी
प्रवास दस्तावेजांच्या 210 खंडांतल्यो 1,84,442 नोंदी डिजिटायज
बार्देस आनी दिवचल भूंय-नोंदणेची 2,71,579 पानां स्कॅन
– नोटरी रेकॉर्डाची 15,36,631 पानां आनी इन्व्हेंटरी कोर्ट रेकॉर्डाची 21,08,269 पानां डिजिटायज
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
