भांगरभूंय | प्रतिनिधी
पुणे, खबरां संस्था: हात, पाय कापून फकत धड पुण्यांतले न्हंयेंत उडयिल्ले ते कुडीची वळख पटली. ते कुडीचें कुवाडें सोडोवपाक पुणे पुलिसांक येस मेळ्ळां. ती कूड सकीना खान नांवाचे बायलेची अशी म्हायती मेळ्ळ्या. झोपडपट्टींतल्या कुडीच्या मालकीच्या वादाक लागून खाश्या भाव आनी भाभीन सकीनाचो कांटो काडलो. उपरांत घरांत आशिल्ल्या शस्त्रान तिचे कुडीचे कुडके केले. त्या दिसा पुण्याक भरपूर पावस पडटालो तें पळोवन तांणी सकिनाचें धड संगमवाडी न्हंयेंत व्हरून उडयलें. मागीर घरा येवन तांणी शेजार्यांक सकिना गांवांत गेलां अशें सांगलें.
पूण शेजार्यांक दुबाव आयलो तेन्ना तांणी शिवाजीनगर पुलीस स्टेशनाचेर कागाळ दाखल केली. उपरांत ह्या खुनाची म्हायती उजवाडाक आयली. सकीनाचो भाव अशपाक खान आनी भाभी हमीदा हांकां पुलिसांनी अटक केल्या. पुण्यांतल्या पाटील इस्टेट वाठारांतले कुडीच्या मालकी हक्का वेल्यान हो खून जाल्ल्याची म्हायती उजवाडाक आयल्या. ही कूड सकिनाच्या नांवाचेर आशिल्ली. सकिनाचो भाव आनी भाभी तिका घरांतल्यान भायर सरपाक सांगतालीं. पूण ती वचनाशिल्ल्यान तिचो खून केलो.
ह्या प्रकरणांत पुणे पुलिसांनी तोखणाय करपा सारकी कामगिरी केल्या. पुलीस हे विशीं आनीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
