भांगरभूंय | प्रतिनिधी
पुणे, खबरां संस्था: फाटल्या कांय दिसां सावन पुण्यांत गुइलेन-बॅरे सिंड्रोम ह्या दुर्मीळ दुयेंसाचेर बरीच चर्चा सुरू आसा. ह्या दुयेंसाची लागण जाल्ले बायलेचेर दोतोरांच्या पंगडान येसस्वी उपचार करून ताचेर जैत मेळयलें, अशीय खबर आयली. पूण आतां पुण्यांत ह्या दुर्मीळ दुयेंसाचे २२ दुयेंती मेळ्ळ्यात अशी म्हायती मेळ्ळ्या. पुणे महानगर पालिके कडेन अशे तरेचे २२ दुबावीत दुयेंती सांपडिल्ल्याची म्हायती आसा.
पुण्यांतल्या दीनानाथ मंगेशकर हॉस्पिटल आनी पुना हॉस्पिटलांत हे व्याधी कडेन संबंदीत लक्षणां दिसून आयिल्ल्याची कागाळ घेवन दुयेंती दाखल जाल्यात. हे दुयेंती मुखेलपणान सिंहगड रोड वाठारांतले आशिल्ल्याचें एका दिसाळ्यान म्हणलां.
मजगतीं, पुणे महानगर पालिकेची सहाय्यक वैजकी अधिकारी डॉ. वैशाली जाधव हांणी सांगलें : संबंदीत वाठारांत परिस्थितीचेर लक्ष दवरपा खातीर एक पंगड धाडटले. सध्या आमी ह्या वाठारांतल्या वट्ट स दुयेतींचे रगताचे नमुने एकठांय केल्यात. हे सगळे नमुने इंडियन कांवन्सील ऑफ मेडिकल रिसर्च नॅशनल इन्स्टिट्युट ऑफ व्हायरोलॉजी कडेन धाडल्यात, अशी म्हायती तिणें दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
