भांगरभूंय | प्रतिनिधी
पुणे, खबरां संस्था: पुणे, महाराष्ट्रांत झिका व्हायरसाचे दोन दुयेंती सांपडिल्ल्यान शारांत भंय पातळ्ळा. एडीस जळार चाविल्ल्यान झिका व्हायरस संसर्ग जाता. तशेंच चिकनगुनिया, येलो फिव्हर, डेंगू सारकिल्ले रोग पातळटा. झिका व्हायरस म्हणल्यार कितें आनी तो कसो पातळटा तें आमी आयज सांगतलीं. तशेंच ताचीं लक्षणां आनी आळो हाडपाचे उपाय जाणून घेयात.
झिका व्हायरस म्हणल्यार कितें?
झिका व्हायरस हो एडीस एजिप्टी आनी एडीस आल्बोपिक्टस जळार चाविल्ल्यान जावपी व्हायरस. मुखेलपणान संसर्ग जाल्ल्या एडीस जातीचे जळारेन चावल्यार हो रोग पातळटा. हें जळार रात आनी दीस चावतात. झिका गुरवार बायले कडल्यान तिच्या गर्भाक वचूंक शकता. गुरवारपणांत संसर्ग जाल्यार कांय जल्मजात दोश जावंक शकतात. झिकाची लस वा वखद ना. हें जळार डेंग्यू, चिकनगुनिया ह्या हेर रोगांचेय वाहक आसात.
झिका व्हायरस कसो पातळटा?
झिका व्हायरस मुखेलपणान संसर्गजन्य एडीस जातीची जळार चावल्यार संसर्ग जाता. हीच जळार डेंग्यू आनी चिकनगुनिया संसर्ग करतात. हें जळार चड करून थिरावल्ल्या उदकांत तांतयां घालतात. चिकनगुनिया, डेंगू आनी झिका ह्या रोगांची लागण करपी जळार दिसाची आनी रातच्यो चावतात. तशेंच गुरवार बायले पसून तिच्या गर्भाक पातळूंक शकता.
झिका व्हायरसाचीं लक्षणां
झिका व्हायरसाची लागण जाल्ल्या जायत्या जाणांक कसलीच लक्षणां दिसनात. कांय जाणांक लक्षणां दिसतात, पूण चड करून तीं सौम्य आसतात आनी कांय दीस वा सप्तकां तिगतात. जोर येवप, तकली दुखप, स्नायू आनी सांध्यांचें दुखप, थकप, दोळे तांबडे जावप आनी कातीचेर फोड येवप अशीं सामान्य लक्षणां दिसतात. गुरवार बायलांक झिका व्हायरसाची लागण जाल्यार तांच्या भुरग्यांक मायक्रोसेफली (ल्हान तकली) सयत जल्मजात दोश जावपाचो धोको वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
