भांगरभूंय | प्रतिनिधी
पुणे, खबरां संस्था: हांगा परत ‘हिट ॲण्ड रन’ अपघाताची घडणूक घडल्या. एका वेगान येवपी ऑडी गाडयेन एका तरणाट्याक धपको दिलो. ह्या भिरांकूळ अपघातांत ताका जाग्यारूच मरण आयलें.
मेळिल्ले म्हायती प्रमाण, गाडयेचो ड्रायव्हर सोरो पियेल्ल्याचें समजता. कोरेगाव पार्क वाठारांत ही घडणूक घडली. रौफ अकबर शेख हाका अपघातांत मरण आयलें. हे घडणुकेन परत एक फावट ह्या वाठारांत बोवाळ जाला. वेगात आशिल्ले ऑडी गाडयेन दुचाकी चलोवपी सैफ हाका धपको दिलो. इतलेंच न्हय, ऑडी ड्रायव्हरान सैफाच्या आंगार गाडी घालून ताका चिड्डुपाचो यत्न केलो. अपघातांत मरण आयिल्लो रौफ शेख फुड डिलीव्हरीचे काम करतालो.
मजगतीं, बिरेस्तारा सुमार ११.३० वरांचेर रफीक शेख हो फुड डिलिव्हरी करपाक वतालो. घडणुके सुवातेर आशिल्ल्यांनी दिल्ले म्हायती प्रमाण, ऑडीन रौफ शेखाक दोन फावटीं धपको दिलो. दुसर्या धपक्यान सैफाक मरण आयलें. ड्रायव्हराचे कुशीक बशिल्ली व्यक्ती सिगरेट ओडटाली.
ऑडी ड्रायव्हर सध्या फरारी आसा. पुलीस ताचो सोद घेतात. पुण्यांत सेगीत घडपी हिट ॲण्ड रन केस प्रकरणांक लागून सुरक्षिततायेचो प्रस्न निर्माण जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
