पुणे, कोल्हापूरा उपरांत आतां जीबीएस व्हायरस सांगलींत

भांगरभूंय | प्रतिनिधी

पुणे, खबरां संस्था: पुण्या उपरांत कोल्हापुरांत दोग दुयेंती मेळ्ळे उपरांत आतां सांगलीकूय जीबीएस हो व्हायरस पावला. सांगली शारांत एक, जाल्यार गांवगिर्‍या वाठारांत पांच अशे स गुयलेन बॅरी सिंड्रोमचे (जीबीएस) दुयेंती सांपडल्यात. ह्या सगळ्यांचेर उपचार सुरू आसात. हाका लागून भलायकी यंत्रणां सतर्क जाल्यांत. सांगली शारांत दुयेंती सांपडिल्ल्या चिंतामणीनगरांत बुधवारा निमाणें ६०० घरांचें महापालिकेच्या भलायकी विभागान सर्वेक्षण करून रोखडीच तपासणीय केली.
जिल्ह्यांत बुधवारा निमाणे जीबीएसचे स दुबावीत दुयेंती सांपडले. चिंतामणीनगरांत एका दुयेंतीक जीबीएस दुयेंसाचीं लक्षणां दिसून आयलीं. ताचेर खाजगी हॉस्पिटलांत उपचार सुरू आसात. जिल्ह्यांत स दुबावीत दुयेंती सांपडिल्ल्याची म्हायती जिल्लो शल्य चिकित्सक डॉ. विक्रमसिंह कदम हांणी दिली. सांगली सांपडिल्लो दुयेंती अजमेर, आग्रा आनी हेर सुवातांचेर वचून आयिल्ल्यान ह्या दुयेंसाची लागण जाल्ल्याची शक्यताय भलायकी खात्यान उक्तायल्या.