भांगरभूंय | प्रतिनिधी
गुरुदत्त हांच्या जल्मशती वर्सा निमतान खासा कार्यावळ
पणजी: फाटल्या दोन दसकां परस चड काळा सावन दर वर्सा जानेवारीच्या पुण्यांतले गुलाबी थंडीत पुणें फिल्म फावंडेशन, महाराष्ट्र शासनाचे सांस्कृतीक कार्य विभाग, आनी दादासाहेब फाळके चित्रनगरी हांच्या जोड पालवान चित्रपट रसिकां खातीर संवसारभरांतल्या विवीध देशांतल्या दर्जेदार आनी आगळ्यावेगळ्या विशयां वेल्या चित्रपटाची मेजवानी पुणें आंतरराष्ट्रीय चित्रपट महोत्सव म्हणल्यार पिफ्फ आयोजीत करतात.
अंदूं पुणें आंतरराष्ट्रीय चित्रपट महोत्सवाच्या (पिफ्फ) 24व्या वर्साचे विवीध कार्यावळी 15 ते 22 जानेवारी 2026 ह्या काळांत पुण्यांतल्या धा वेगळ्यावेगळ्या सिनेमाघरांनी रसिकांक मोनेळ घालतल्यो.
अंदूं पिफ्फान म्हान चित्रपट निर्मातो, दिग्दर्शक आनी कलाकार गुरुदत्त हांच्या जल्मशती वर्सा निमतान खासा कार्यावळ आयोजीत केल्या. गुरुदत्त हांकां मानवंदना होच अंदूंच्या पिफ्फाची थीम आसा. हातूंत संवसारीक सिनेमा सर्तीं सयत मराठी चित्रपटां बराबर गुरुदत्त हांच्या विशेश चित्रपटांचे खास प्रदर्शन जातलें अशी म्हायती पिफ्फ महोत्सवाचे संचालक डॉ. जब्बार पटेल हांणी दिली.
15 ते 22 जानेवारी 2026 मजगतीं, जातल्या 24 व्या पुणें आंतरराष्ट्रीय चित्रपट महोत्सवांत रसिकां खातीर ऑनलायन रजिस्ट्रेशन सुरू जालां. महोत्सवा खातीर सगल्यां खातीर कॅटलॉग फी 800 रुपया आसून ऑनलायन रजिस्ट्रेशन www.piffindia.com ह्या संकेत थळार सुरू जालां. जाल्यार महोत्सव थळार नोंदणी 5 जानेवारी पसून महोत्सवाच्या थिएटर्सांनी सकाळीं 11 ते सांजवेळा 7 मेरेन सुरू जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
