भांगरभूंय | प्रतिनिधी
भांगरभूंय । खबरां मेज
पणजीः भारतीय जनसंपर्क परिशदेच्या (पीसीआरसी) मिरामार हांगच्या हॉटेल फॉर्च्युनांत नव्या समितीच्या स्थापणूक कार्यावळींत दीपक नार्वेकार हाच्या अध्यक्षते खाला गोंयांतल्या नव्या चाप्टराचें उक्तावण जालें. कार्यावळीक उद्देगीक मळा वयले मानेस्त आनी विशेंश कामगिरी करपी व्यक्ती हाजीर आशिल्ल्यो.
जनसंपर्काचो अणभव आशिल्ल्या दीपक नार्वेकार हाच्या फुडारपणा खाला पीआरसीआयचें गोंय चाप्टर जनसंपर्क मळार नेटवर्कींग आनी गिन्यानाचे देंवप-घेवप करपा खातीर एक माची म्हणून वावुरतलें.गोंय चाप्टराची सुरवात करतना पीसीआरसीरचे मुखेल मार्गदर्शक आनी अध्यक्ष एम बी जयराम हांणी चाप्टराच्या नव्या वांगड्यांक परबीं भेटयलीं. ह्या वेळार उलयतना डी ए हवालदार हांणी लोकां खातीर सक्रियपणान वावर करप आनी बऱ्या कामाक प्रसिद्धी करप हाचेर भर दिलो
पीआरसीआय ही संवसारांतल्या सगल्या जनसंपर्क अभ्यासकाची भारतांतली सर्वोच्च संस्था आसा. हे सगले कॉर्पोरेट कम्युनिकेशन, मीडिया, जायरात कार्यकर्ते, मार्केटींग कम्युनिकेशन, लोकसंवाद आनी पत्रकारिता, सामाजीक आनी डिजिटल मीडिया हाचे कडेन जोडिल्ले आसात. पीसीआरसीचे चाप्टर ऑस्ट्रेलिया, बांगलादेश, नेपाळ, श्रीलंका, यूएई, युके आनी अमेरिकेंत आसात अशी म्हायती गीता शंकर हिणे दिली.
गोंय चाप्टराच्या अध्यक्षपदार दीपक नार्वेकार, ज्येश्ठ पत्रकार वामन प्रभू आनी गुरुनाथ पै, निखील वाघ, कालिका बापट हांचो आसपाव आसा. वांगडी म्हणून जॉन्स सॅम्युएल, मीलन वायंगणकार, बबन घाटगे, अर्जुन हालरणकर, वृंदिगत रायकार, ज्युलियन डिकॉस्ता, उदय कामत, व्यंकटेश कोलार, संगम भोसले, अनंत जोशी आनी आर ब्रिटो हांचोआसपाव केला.कार्यावळींत वामन प्रभू हाचो भोवमान केलो. निखील वाघान पीआरसीआय विशीं म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
