भांगरभूंय | प्रतिनिधी
म्हापशेंच्या पीव्हीएस कुशें उच्च माध्यमीक विद्यालयान फायनलींत मडगांवच्या आरएमएस उच्च माध्यमिकाक 1 विकेटीन हारोवन 19 वर्सां पिराये सकयली चल्यांची आंतर उच्च माध्यमीक विद्यालयीन क्रिकेट सर्तीचें राज्य वस्तादपण जोडलें.
कांपाल पणजीच्या साग मैदानाचेर मॅच जाली. पयलीं बॅटींग करतना आरएमएस उच्च माध्यमीक विद्यालयान 20 ओव्हरींनी 8 विकेटी वगडावन 165 धांवड्यो केल्यो. पीव्हीएस कुशें उच्च माध्यमीक विद्यालयान 9 विकेटी वगडावन 166 धांवड्यो करून जैत जोडलें.
थोडे भितर धांवतकटोः आरएमएस उच्च माध्यमीक, 20 ओव्हरींनी 8 बाद 165 धांवड्यो ( रिजुल पाठक 42, ग्रंथीक बुयांव 28 धांवड्यो, रेयान शाह 3-29, मनिष निरवडेकार 2-29) हार आड पीव्हीएस कुशें उच्च माध्यमीक, 19.2 ओव्हरींनी 9 बाद 166 धांवड्यो ( रेयान शाह 40, सार्थक भिके 39 धांवड्यो, जीवन चित्तेम 3-27, रिजुल पाठक 3-23).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
