भांगरभूंय | प्रतिनिधी
प्रेमेंद शेट: लोकां मदीं जागृताय हाडपाची गरज
पणजी : प्लास्टर ऑफ पॅरीस गणेश मुर्तींचेर बंदी जरी आसली तरी लोकांक फटोवन विक्री जावपाचें प्रमाण वाडतूच आसा. शाडुचे मातयेची मुर्ती म्हूण सांगून प्लास्टर ऑफ पॅरीसची मुर्ती विकतात. कायद्यान बंदी आसली तरी प्लास्टर ऑफ पॅरीस मुर्ती बंद जावपा खातीर लोकां मदीं जागृताय जावपाची गरज आसा, अशें आमदार प्रेमेंद शेट हांणी म्हणलां.
आमदार प्रेमेंद शेट हे गणेश मुर्तीच्या वेवसायांत आसा. गणपतीच्यो मुर्ती करून विकपाचो तांचो परंपरीक वेवसाय आसा. प्लास्टर ऑफ पॅरीस मुर्तींचेर बंदी आसली तरी गोंयांत आजूनूय कांय प्रमाणात त्यो दिश्टी पडटात. भायल्या राज्यांतल्यान प्लास्टर ऑफ पॅरीस मुर्ती गोंयांत पावतात. लोकांक मुर्ती वळखुपाक येना. हाचो गैरफायदो विक्रेते घेतात. शाडुच्या मातयेची मुर्ती सांगून प्लास्टर ऑफ पॅरीसची मुर्ती दितात. माती वळखुपा सयत लोकांमदीं जागृताय घडोवन हाडपाची गरज आसा, अशें आमदार शेट हांणी म्हणलां
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
