भांगरभूंय | प्रतिनिधी
भांगरभूंय । प्रतिनिधी
फोंडेंः फोंडें पुलीस स्टेशनांतलो उपनिरीक्षक नारायण पिंगे हाका बलात्काराच्या आरोपा खातीर सेंवेंतल्यान निलंबीत करपाचो आदेश पुलीस मुख्यालयांतल्यान सोमाराक रातीं काडलो. ताचे आड केल्ल्या बलात्काराचे कागाळेची वरिश्ठ अधिकाऱ्यांनी गंभीर दखल घेतल्या.
पिंगे हाचे आड ते वास्को पुलीस स्टेशनांत आसतना पोरूं बलात्काराच्या गुन्यावाची नोंद जाल्ली. त्याच वेळार ताका निलंबीत केल्लें. मात राजकी वजन वापरून ताणे फोंडें पुलीस स्टेशनांत आपली बदली करून घेतिल्ली. आतां परत निलंबनाचो आदेश काडल्या उपरांत तांण परत राजकी वजन वापरून निलंबन फाटीं घेवपाचो यत्न चलयला अशी खबर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
