भांगरभूंय | प्रतिनिधी
खेळगड्यांच्या गटांत अर्ज केल्ल्यांक करची पडटली ही प्रक्रीया
पणजी : कर्मचारी भरती आयोगाच्या जाहीराती प्रमाण पुलीस उपनिरीक्षक (पीएसआय) पदा खातीर अर्ज केल्ल्या ५९८ उमेदवारांची म्हायती तांत्रीक आडमेळींक लागून निमाण्या अर्जांत आसपाव जाला. तांणी १४ जुलय २०२५ मेरेन CBES पोर्टलार लॉगीन करून गुणवान खेळगड्यांच्या गटा खातीर अर्ज केल्यात? हाचेर हय काय ना (yes or no) हें कळोवप गरजेचें.
२ मे ते ५ मे ह्या काळांत पीएसआय पदां खातीर अर्ज केल्ल्या ५९८ अर्जदारांची वयली म्हायती नोंद जावंक ना. गुणेस्त खेळगडे गटा खातीर अर्ज केल्यात? ही म्हायती नोंद जावंक नाशिल्ल्या उमेदवारांची वळेरी कर्मचारी भरती आयोगाच्या संकेतथळार (gssc.goa.gov.in) उपलब्ध आसा. १४ जुलय २०२५ पयलीं तांणी वयली म्हायती (येस/ नो) दिवंक ना, जाल्यार ते गुणवान खेळगड्यांच्या गटांतले उमेदवार नात अशें समजतले, अशें आयोगान नोटीस जारी करून कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
