भांगरभूंय | प्रतिनिधी
पणजी: प्रधानमंत्री किसान सन्मान निधी येवजणेचो एप्रिल २०२५ ते जुलय २०२५ काळाचो २० वो हप्तो पात्र शेतकारांच्या बँक खात्यांनीं फाल्यां ता. २ ऑगस्ट २०२५ दिसा जमा जातलो. प्रधानमंत्री नरेंद्र मोदी फाल्यां वाराणसींत सकाळीं ११ ते दनपरां १२ मेरेन जावपी कार्यावळींत येवजणेच्या २० व्या हप्त्याची रक्कम शेतकारांच्या बँक खात्यांत जमा करतले. प्रधानमंत्र्यांची ही कार्यावळ https://pmindiawebcast.nic.in/ ह्या लिंकाचेर लायव्ह वेबकास्ट उपलब्ध आसतली.
हो दीस प्रधानमंत्री किसान दीस म्हूण पाळटले. वयल्या लिंकावरवीं शेतकार हे कार्यावळींत वाटेकार जातले. प्रधानमंत्री किसान सन्मान निधी येवजण ही भारत सरकाराची एक म्हत्वाची येवजण आसून पात्र शेतकारांक वर्साक ६,०००/- ची अर्थीक मजत करपा खातीर प्रधानमंत्र्यानी फेब्रुवारी २०१९ वर्सा ह्या येवजणेचो शुभारंभ केल्लो. लावधारक शेतकारांच्या आधार लिंक आनी डीबीटी बँक खात्यांत हप्त्याची रक्कम सरळ जमा जाता. १९ व्या हप्त्या वरवीं आतां मेरेन ३.६९ लाख कोटी रूपया शेतकारांच्या खात्यांत जमा केल्ले आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
