भांगरभूंय | प्रतिनिधी
केंद्रीय कामगार आनी रोजगार मंत्रालयाची म्हायती
पणजीः फाटल्या वर्सा कर्मचार्यांचो प्रोव्हीडंट फंड भरूंक नाशिल्ल्या गोंयच्या ८ कंपन्यांचेर कारवाय जाल्या. म्हयनो सोंपले उपरांत १५ दिसां भितर कर्मचार्यांच्या पीएफ खात्यांत रक्कम जमा करूंक नाशिल्ल्यान ह्या आस्थापनाचेर कायेदेशीर कारवाय करून दंड दिला, अशी म्हायती केंद्रीय कामगार आनी रोजागार मंत्रालयान दिल्या.
मंत्रालयाच्या अहवाला प्रमाण, प्रोव्हीडंट फंड आनी विवीध तरतुद कायदो १९५२ खाला नोंद आशिल्लीं आस्थापनां, तशेंच धनयांनी कर्मचार्यांक पगाराचो म्हयनो सोंपलो काय १५ दिसां भितर चलान- कम- रिटर्न (इसीआर) वरवीं रक्कम दिवप सक्तीचें आसा. जर इसीआर वरवीं रक्कम भरपाक धनी अपेशी थारता जाल्यार तांकां एसएमएस वा इमेला वरवीं थकबाकी भरपा खातीर सुचोवणी धाडटात.
हे सुचोवणेक पाळो दिला काय ना हाची चवकशी करून ही गजाल उक्तडार हाडल्या आनी कायदो कलम ७ अ खाला थकबाकीचो नियाळ घेतात आनी अर्थ न्यायीक प्रक्रीया चालीक लावन थकबाकी वसूल करपाक चालू केलां. जर मुद्दाम रक्कम भरपाक कळाव केल्यार कलम १४ ब खाला दंड दिला आनी आदेशांक पाळो दिना जाल्यार कायदेशीर कारवाय लेगीत जाल्या. हातूंत मालमत्ता जप्त करप वा मालमत्ता गोठोवप हे प्रक्रियेचो आस्पाव आसा. अर्थीक वर्स २०२३-२४ सात कलम ब खाला गोंयच्या ८ आस्थापनांक दंड दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
