भांगरभूंय | प्रतिनिधी
वाळपय: गोंयच्या पिसुर्लें, सत्तरीच्या ‘वायन शॉप’च्या शटराक उजो लायिल्ल्या प्रकरणांत पुलिसांनी दोगां आड गुन्यांव नोंद केला. हातूंत मंझर फोक्रू बेग (वाळपय, सत्तरी), कृष्णा पाटील (वाळपय, सत्तरी) हांचो आसपाव आसा. मंझर बेग हाका पुलिसांनी ह्या प्रकरणांत अटक केल्या.
हे विशीं भूषण वरक हांणी पुलीस स्टेशनांत कागाळ दिल्ली. हातूंत वयर नांवां दिल्ल्या दोगांनी एकमतान कागाळदाराच्या वायन शॉपाच्या शटराक उजो लावन लुकसाण केल्ल्याचें म्हणिल्लें. ह्या प्रकरणांत पुलिसांनी ताचे आड भारतीय न्याय संस्थेच्या कलम ३२६ (जी), ३२४ (४) सयत ३(५) खाला गुन्यांव नोंद केला. मजगतीं, पुलीस ह्या प्रकरणांत आनीक एकल्याचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
