भांगरभूंय | प्रतिनिधी
भांगरभूंय प्रतिनिधी
पणजीः सेंट जॉन द बाप्तीस्त इगर्ज पिळर्ण 24 ते 27 एप्रील मेरेन उत्सवाचे रंग ही मनरिजवण कार्यावळ मनयतले. ही कार्यावळ चार दीस चार वेगळेवेगळे रंग हे संकल्पनेच्या आदाराचेर सांस्कृतीक कार्यावळ घडोवन हाडून गोंयची उर्बा, विशेशताय आनी एकता मनयतले. परंपरा, म्युझिक आनी उत्सव हांचे मिश्रण करून समाजाक एकठाय हाडपाचो हे कार्यावळी फाटलो हेत आसा, अशें इगर्जेचे धर्मगुरू फा. डेरीक फर्नांडीस हांणी सांगलें.
पणजे घडोवन हाडिल्ले पत्रकार परिशदेंत म्हायती दितना सांगलें, पिर्ळर्णच्या इगर्जेत दर बिरेरस्तारा भरपी दायज बाजार कोरेज्मां खातीर बंद आसलो. पूण तो आतां परत सुरू करून 24 एप्रीलाक काजूचो उत्सव मनयतले.
25 एप्रीलाक संगिताचो उत्सव हे कार्यावळींत कोंकणी म्युझिक सर्त मनयतले. चार श्रेणींत जावपी हे सर्तीत गोंयभर सावन आमी कलाकार आपयल्यात. दरेका एका श्रेणींत पयलें इनाम रुपया 10 हजार आनी दुसरें इनाम रुपया 5 हजार ट्रॉफी सयत दवरला, अशें फा. फर्नांडीस हांणी सांगलें.
26 एप्रीलाक एकवटाचो उत्सव मनोवन हातूंत फेत आनी लायव्ह बॅण्ड सादरीकरण जातले. क्नायट अॅण्ड डे हे गोंयचे नामनेचे बॅण्ड सांजे 6 ते रातचे 10 वरां मेरेन रसिकांची मनरिजवण करतले. 27 एप्रीलाक काकुळटीचो उत्सव मनोवन ह्या वेळार पाद्रीगार आपली कला दाखयतले. गोंयभर सावन पाद्रीगार बॅण्ड सादरीकरण करून प्रेक्षकांक सुरबूस मनरिझवणीचो आस्वाद दितले, अशी म्हायती फा. फर्नांडीस हांणी दिवन हे कार्यावळ कसलेच प्रवेश शुल्क नासतना मुफत आसा अशे जाहीर केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
