भांगरभूंय | प्रतिनिधी
भांगरभूंय । प्रतिनिधी
पणजीः पिळर्ण हांगा शेनवारा दिसाच्या उजवाडांत फ्लॅट फोडून 1.40 लाखाचे दागिने आनी हेर वस्तू मेळून 10 लाख 40 हजार रुपयांचो चोरी जाली. पर्वरी पुलिसांनी अनवळखी व्यक्ती आड गुन्यांव नोंद करून तपास सुरू केला.
पर्वरी पुलिसानी दिल्ले म्हायती प्रमाण शकीर नायक हाणे चोरयेची कागाळ केल्या. ताचो पिळर्ण हांगा प्लॅट आसा. शेनवारा सकाळीं 10 तें साजें 7.15 मजगती फ्लॅटांत कोण ना हाची संद घेवन फ्लॅटाचे मुखेल दार फोडून चोरांनी भितर प्रवेश केलो आनी 1 लाख 40 हजार रोख, 40 ग्रामाची भांगराची दोन कांकणा, 70 ग्रामाचें मंगळसूत्र, 25 ग्रमाचे आनीक एक मंगळसूत्र, 1 भांगरा काकण, एक जोडी कानांतले, तीन टायटन घड्याळां. दोन टॉमी हिलफिगर घड्याळां. एक स्मार्ट घड्याळ आनी हेर दागिने चोरून व्हेले. निरीक्षक राहुल परब हाच्या मार्गदर्शना खाला उपनिरीक्षक सखाराम मळीक तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
