भांगरभूंय | प्रतिनिधी
भांगरभूंय । प्रतिनिधी
दिवचलः पिळगांवच्या शांतादुर्गा देवस्थानाचो वर्सुकी कालोत्सव शुक्रार 22 डिसेंबराक जातलो. त्या निमतान सकाळी धर्मीक विधी, रातयां 11 वरांचेर पालखी आनी उपरांत पारंपरिक कालो सादर करतले. शेनवार 23 डिसेंबराक सांजे 4 वरांचेर श्री शांतादुर्गा नाट्यब्रह्म कारापूर हाचे वतीन गवळण कालो जातलो. उपरांत गांवांतल्या शांतादुर्गेची पालखी मिरवणूक काडटले. रातीं 10 वरांचेर जनार्दन गोपाळ तोडणकार हाणे बरयल्ल्या “स्वातंत्र्याची सिंहगर्जना” ह्या मराठी इतिहासीक नाटकाचो प्रयोग जातलो.
व्हो नाट्य प्रयोग श्री शांतादुर्गा हौशी नाट्य मंडळ पिळगांव सादर करतले. ताचें दिग्दर्शन रमाकांत नायकान, केला. नाटकांत देविदास प्रभुगांवकार, दत्ता (चेतन) हळर्णकीर, रुपेश प्रभुगांवकार, प्रेमनाथ (बाबलो ) गवंडे, रजत परब गांवकार, केशव (ज्ञानेश्वर) कुट्टीकार ,प्रदीप उसपकार ,सुप्रेश लिंगडकार, गोकुळदास (बाबी) गांवस आनी ज्योत्स्ना परब गांवकार हांच्यो भूमिका आसतल्यो. कालोत्सवाक भाविकांनी व्हडा संख्येन हाजीर रावचें अशें आवाहन देवस्थान समितीचो अध्यक्ष पुंडलीक परब गांवकारान केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
