भांगरभूंय | प्रतिनिधी
भांगरभूंय । प्रतिनिधी
दिवचलः शिव जंयती उत्सवा निमतान कल्पवृक्ष पिळगांव आनी मये सम्राट क्लबा वतीन सोमार 19 फेब्रुवारीक 6 वी ते 8 यत्तेच्या विद्यार्थ्यां खातीर गोंय पावंड्या वयली मराठी वक्तृत्व सर्त जातली. कल्पवृक्षाचो अध्यक्ष अॅड अजय प्रभुगांवकारान ही म्हायती दिली. फाटल्या स वर्सां सावन ही संस्था ही सर्त आयोजीत करता.पोरूं सावन मयें सम्राट क्लबाच्या जोड पालवान ती जाता.
सर्त पिळगांवच्या आयडीयल हायस्कुलांत दनपारां 2.30 ही सर्त जातली. ही गाथा शिवरायाची ह्या विशयाचेर सर्तकांक उण्यातच उणे 4 आनी चडांत चड 5 मिनटां उलोवचें पडटलें. दरेका शाळे वतीन एकूच विद्यार्थी सर्तींत वांटेकार जावपाक शकतोलो. परिक्षकांचो निर्णय फायनल आसतोलो.
सर्तीत 3 हजार, 2 हजार आनी 1 हजार अशी पयलीं तीन इनामां आसात. 500 रुपयांचीं दोन उमेद वाडोवपी इनामां दितले. सर्तींत वांटेकार जाल्ल्यांक प्रमाणपत्रां आनी यादस्तीक दितले. 16 फेबुवारी मेरेन सोमनाथ पिळगांवकार, संजय सालेलकार वा मनोज सावंत हाचे कडेन नांव नोंदणी करची अशें कळीत केला. मयें सम्राट क्लब हुशार विद्यार्थ्यां खातीर कला- संस्कृती मळार काम करता. ताकाच लागून सर्त आयोजीत करपाक कल्पवृक्ष पिळगांवां कडेन आमी सहकार्य केलां अशें क्लबाचो अध्यक्ष अर्जुन नायकान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
