भांगरभूंय | प्रतिनिधी
म्हापशें ःपिर्ण ग्रामसेवा मंडळ संचालीत श्री शांतादुर्गा उच्च माध्यमीक विद्यालयान आपल्या निकालाची उत्कृश्ठ परंपरा अंदूय चालूच दवरल्या.
कला फांट्याचो निकाल 100 टक्के लागिल्ल्यान पांच विद्यार्थी विशेश श्रेणीत, पांच पयले श्रेणीत, सात दुसरे श्रेणींत पास जाले. वाणिज्य फांट्याचो निकाल 95 टक्के लागिल्ल्यान पांच विद्यार्थी विशेश श्रेणीत, पांच पयले आनी सात दुसरे श्रेणीत पास जाले.
वाणिज्य फांट्यांतल्यान सुखी जयंत नायक 93.33 टक्के गूण मेळोवन विद्यालयातं पयलें आयलें. प्राची प्रकाश कुबल 86.33 टक्के गुणां सयत दुसरें जाल्यार सानिया सावंत 84.33 टक्के गूण घेवन तिसरें आयलें. कला फांट्यांतल्यान निकिता रायू मांंद्रेंकार 87.33 टक्के गूण मेळोवन पयलें आयलें. मनीष गणेश नायक 83.33 टक्के गूण मेळोवन दुसरो आनी मिताली साईनाथ तळणकार 80.83 टक्के गूण मेळोवन तिसरें आयलें.
शिक्षक, पालक, विद्यार्थी आनी वेवस्थापनाच्या परिश्रमाक लागून हें येस मेळ्ळें, अशी प्रतिक्रिया प्राचार्य उमेश नायक हांणी उक्तायली. पिर्ण ग्रामसेवा मंडळाचे अध्यक्ष सदानंद शेट तानावडे, पालक-शिक्षक मंडळाचे अध्यक्ष पंढरीनाथ फडते आनी ग्रामस्थांनी विद्यालयान मेळयल्ल्या ह्या येसाक लागून प्राचार्य आनी अध्यापक वर्गाक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
